Tūŋǧyş Prezident – Elbasy Nūrsūltan Nazarbaev Şymkenttegı medisinalyq qūral-jabdyqtar, medisinalyq jihazdar men medisinalyq kölıkter şyǧaratyn käsıporynda boldy.
2013 jyldan bastap qazırgı uaqytqa deiın «Kazmedpribor» JŞS-ı 15 myŋnan astam medisinalyq qūral-jabdyq, 120 myŋnan astam medisinalyq jihaz ben 742 jedel järdem kölıgın jasap şyǧardy. Käsıporyn 2005 jyly qūrylǧan.
Şymkent qalasynyŋ äkımı M.Äitenov Elbasyǧa jeke investordyŋ qarajatyna salynatyn 1000 oryndyq köpsalaly universitettık auruhana qūrylysy turaly aqparat berdı. Sondai-aq «Samūryq-Qazyna» aksionerlık qoǧamynyŋ basqarma töraǧasy A.Esımov pandemiia kezınde ūlttyq äl-auqat qory tarapynan densaulyq saqtau jüiesı men otandyq öndıruşılerdı qoldau üşın qabyldanǧan şaralar turaly aitty. Sonymen qatar Nūrsūltan Nazarbaevqa elorda men Almatyda medisinalyq ortalyqtar salu jönındegı tapsyrmanyŋ oryndalu barysy baiandaldy.
Elbasy Qazaqstannyŋ köne tarihi oryndarynyŋ bırı bolyp tabylatyn «Şymkent eskı qalaşyǧy» tarihi-mädeni mūra eskertkışıne bardy. Köne qalaşyqty aralau barysynda Elbasy arheologiialyq jūmystardyŋ nätijelerımen jäne mädeni keşendı odan ärı damytu josparlarymen tanysty. Ūsynylǧan aqparatqa säikes, 2021 jyly keşen aumaǧynda üş deŋgeilı ortaǧasyrlyq mūrajai men 500 oryndyq amfiteatrdyŋ qūrylysy bastalady.
