Arqa tösındegı ajarly Astananyŋ är künı merekege ainaldy. Keşe osyndai dumandy künderdıŋ körkın Tarazdan kelgen etnografiialyq keruen qyzdyrdy. Jambyl öŋırınıŋ öner salasynda özındık örnegımen tanylyp jürgen talanttardan qūralǧan top ta Astanaǧa arnaiy sälemın ala keldı. Kezınde Ūly Jibek jolyn jalǧaǧan talaiǧy Tarazdyŋ orta ǧasyrlardaǧy tarihyn tanystyrudy dıttegen keruen osydan ekı ai būryn bas qalaǧa qarai at basyn būrǧan edı.
Endı Töle bidei danyşpanyn, Bauyrjandai batyryn, Kenendei düldül aqynyn, Şerhandai narkesken jazuşyny, Şonadai şoq tıldı ūldaryn düniege äkelgen tūǧyrly mekennıŋ talantty önerpazdary elordanyŋ bes künın erekşe äserge bölep, än men küiden, jyr men biden şaşu şaşatyn bolady.
EKSPO-2017 halyqaralyq mamandandyrylǧan körmesı aiasynda ūiymdastyrylǧan keruen qūramynda 20 jük tielgen tüie, 46 at, 6 at arba, 10 jük avtokölıgı, 3 avtobus, 150 adam, ışkı ıster, jedel järdem, tötenşe jaǧdai salalarynyŋ qyzmetkerlerı qamtylǧan 6 qyzmettık avtokölık bar. Astanaǧa deiın 1300 şaqyrymnan astam jol jürıp, 10 eldı mekende qazaqtyŋ salt-dästürın, ruhani qūndylyqtaryn paş etken.
Är aialdamada kiız üi, şatyrlar men sahnalar tıgılıp, onda qazaq halqynyŋ türlı ūlttyq dästürlerı sahnalanypty. 65 kün boiy jol jürıp, aituly körmege kelgen keruendı kütıp alu saltanaty elordalyq «Ǧaşyqtar» saiabaǧynda ötıp, oǧan Astana äkımı Äset İsekeşev qatysty.
Şejıresı şertpe küidei, talaily Taraz tarihynan syr şertılgen ǧajap şaranyŋ şymyldyǧy türılgen soŋ, astanalyqtar men qala qonaqtary, eŋ aldymen, qazaq mädenietınıŋ altyn besıgı sanalatyn kielı öŋırdıŋ ötkenıne köz jügırtıp, tarih qoinauyna süŋgıp kettı. Özderımen bırge kelgen bükıl qūndylyqtar saiabaqtyŋ sänın keltırıp tūrdy.
Oblystyq tarihi-ölketanu mūrajaiynyŋ «Taraz tarihtyŋ altyn dıŋgegı» atty jyljymaly körmesı däl osy jerde Qazaq handyǧy qūrylmastan būrynǧy saq däuırınen qalǧan 300 jädıgerdı tartu ettı.
«Mädeni tūrmystyq qūndy zattar, «balbal» tastary, qazba kezınde tabylǧan türlı zamandaǧy tiyndar» jäne jergılıktı suretşılerdıŋ eŋbekterın de äkeldık. Qonaqtarymyzǧa Aqyrtas, Aişa bibı, qaita jaŋǧyrǧan Ūly Jıbek jolynyŋ tarihi jädıgerlerınıŋ kuäsı bolady» deidı mūrajai direktory Gülnūr Emberdieva.
Sondai-aq, būl künderı merekelık konsertter, körmeler, teatrlandyrylǧan qoiylymdar ūiymdastyrylady. Oǧan oblystyq filarmoniianyŋ, oblystyq qazaq drama teatrynyŋ, «Alatau» folklorlyq ansamblınıŋ ūjymdary men belgılı änşılerı men kompozitorlary qatysady eken. Däulesker küişı Äbdımomyn Jeldıbaev bastaǧan öner tarlandaryn bızdıŋ de közımız şalyp qaldy. Qalalyq «Qazanat» ippodromy alaŋyndaǧy etnoauylda şeberler auyly ornalasyp, «Qazaqstan» sport keşenı aumaǧynda ötetın auylşaruaşylyq järmeŋkesınde elordanyŋ tūrǧyndary men qonaqtary sauda jasai alady.
Ne kerek, bes kün boiy astanalyqtarǧa, qala qonaqtaryna elımızdıŋ ortaǧasyrlyq kentterınıŋ işindegi eŋ belgilisi, eŋ könesi sanalatyn Tarazdyŋ ötkenıne köz jügırtıp, bügının baǧamdauǧa mümkındık bar.
Güljan RAHMAN
