Memleket basşysy N.Nazarbaev Qazaqstan Respublikasy Parlamentı palatalarynyŋ bırlesken otyrysyna qatysty, dep habarlady Prezidenttıŋ baspasöz qyzmetı.
Parlament deputattary aldynda söilegen sözınde Elbasy N.Nazarbaev Qazaqstan Konstitusiiasyna özgerıster engızu arqyly jüzege asyrylatyn saiasi reformalardyŋ basty faktorlary men aspektılerın atap öttı.
Nūrsūltan Nazarbaev elımızdıŋ negızgı zaŋyna engızu ūsynylǧan özgerıster jobasyn äzırleu üderısıne arnaiy toqtalyp, ony talqylau barysynda jariialylyq qamtamasyz etılgenın aitty.
– Menıŋ Jarlyǧymmen äzırlengen konstitusiialyq reformalar jobasy bır ai boiy ötken bükılhalyqtyq qyzu talqylauǧa salyndy.
Är adam ūsynys beru qūqyǧyna ie boldy. Bärımız zaŋ jobasyn jappai talqylap qana qoimai, onyŋ sapaly bolǧanyn körıp otyrdyq, – dedı Qazaqstan Prezidentı.
Sondai-aq, Memleket basşysy Jūmys toby atqarǧan jūmystyŋ qorytyndysyna toqtalyp, Konstitusiianyŋ 26-babyna qatysty özgerısterdı halyqtyŋ kei bölıgınıŋ ärqalai tüsıngenın aitty.
– Jūmys tobyna Konstitusiia baptarynyŋ üşten ekısın jäne onyŋ barlyq bölımın qamtityn 6 myŋ ūsynys kelıp tüstı. Bükıl Konstitusiialyq reforma qoǧamymyzdy bırıktıre tüsuge baǧyttalady. Sondyqtan men 26-bapty būrynǧy redaksiiada qaldyrudy ūsynamyn.
Jalpyūlttyq talqylaudan ötkenın eskerıp, zaŋ jobasyn Qazaqstan halqynyŋ ortaq ūstanymy dep baiyptauǧa bolady. Jūrt öz sözın aityp, sol arqyly memlekettık bilıktıŋ jaŋǧyruyn qoldady, – dedı Nūrsūltan Nazarbaev.
Elbasy qazırgı reformalardyŋ erekşelıgın atap ötıp, eldı saiasi jaŋǧyrtudyŋ jekelegen kezeŋderıne nazar audardy.
– Bırınşıden, jaŋa zaŋ Parlamenttıŋ memlekettık ısterdegı, sonyŋ ışınde Ükımettı jasaqtaudaǧy rölın aitarlyqtai küşeitedı. Ekınşıden, ekonomikany tıkelei basqaru jönındegı ökılettıkter berıletın Ükımettıŋ derbestıgı artady. Üşınşıden, qūqyq qorǧau jäne sot jüiesınıŋ konstitusiialyq negızı jaŋǧyrtylady. Zaŋdardyŋ saqtaluyn joǧary deŋgeide baqylau, sotta memleket müddesın qorǧau jaiyn qarastyratyn prokuratura qyzmetınıŋ bazalyq negızderı qalanady. Törtınşıden, konstitusiialyq baqylau jüiesı nyǧaia tüsedı. Besınşıden, Täuelsızdıgımızdıŋ, bırtūtastyǧymyzdyŋ, aumaqtyq tūtastyq pen basqaru nysanynyŋ özgermeitınıne konstitusiialyq deŋgeide berıletın kepıldık bekemdene tüsedı, – dedı Elbasy.
Memleket basşysy bilıktıŋ barlyq tarmaǧynyŋ joǧary käsıbilıgın, olardyŋ özıne jauapkerşılık alyp, şeşım qabyldai alatyn qabıletın atap öttı.
Būdan bölek, Qazaqstan Prezidentı prezidenttık basqaru nysanynyŋ saqtalatynyn, memleket pen qoǧamdy odan ärı jaŋǧyrtu üşın saiasi jaǧdailar jasau maqsatymen jürgızılıp jatqan reformalar baǧytynyŋ özgermeitının mälımdedı.
– Joldauda aitylǧan jaŋa mındetter zaŋ şyǧaruşy jäne atqaruşy organdarǧa airyqşa jauapkerşılık jükteidı. Parlament pen Ükımettıŋ ökılettıkterın keŋeitu el ekonomikasynyŋ üşınşı jaŋǧyruynyŋ maqsattaryna tiımdırek qol jetkızuge septıgın tigızetın bolady, – dedı Nūrsūltan Nazarbaev.
Sözınıŋ soŋynda Elbasy Parlament deputattary aldynda zaŋ jobasyn belgılengen barlyq üderısterdı saqtai otyryp qarastyru jönınde ūsynys bıldırdı.
Memleket basşysynan keiın söz alǧan Prezident Äkımşılıgınıŋ basşysy – Memlekettık bilık tarmaqtary arasynda ökılettıkterdı qaita bölu mäselelerı jönındegı jūmys tobynyŋ jetekşısı Ä.Jaqsybekov ūsynylyp otyrǧan özgerısterdıŋ naqty jobasyn Parlament deputattaryna tanystyrdy.
Senat jäne Mäjılıs deputattary «Qazaqstan Respublikasynyŋ Konstitusiiasyna özgerıster men tolyqtyrular engızu turaly» RK Zaŋynyŋ jobasyn bırınşı oqylymda qabyldady.
