Elordada äleumettık az qamtylǧan otbasy balalaryna arnalǧan üşınşı Bilim all ortalyǧy aşyldy. Demeuşılerdıŋ qoldauymen aşylyp jatqan qosymşa bılım beru ortalyqtary äsırese köpbalaly otbasylar, mümkındıgı şekteulı jäne tolyq emes otbasylardyŋ balalary üşın öte tiımdı bolyp tūr.
Strong Mothers Ns qoǧamdyq qorynyŋ bastamasymen Esıl audanynda aşylǧan Bilim all oqu ortalyǧynda balalarǧa aǧylşyn tılınen qosymşa bılım aluǧa jaǧdai jasalǧan. Ortalyqta tegın bılım alu üşın osyndaǧy aqyly jūmys ısteitın dombyra, robototehnika, şahmat, şyǧarmaşylyq şeberhana, gitara, akterlık şeberlık, vokal jäne fortepiano üiırmelerınıŋ bırıne arnaiy baǧamen jazylu qajet bolady. Toptarda 5-8 baladan oqidy, är üiırmenıŋ öz jūmys kestesı bar. Osyǧan deiın osyndai ortalyqtar Saryarqa jäne Baiqoŋyr audandarynda aşylǧan.
«Bilim all bılım beru ortalyqtaryn Nūr-Sūltan qalasy äkımdıgınıŋ jäne demeuşılerdıŋ qoldauymen halyqtyŋ äleumettık osal toptarynan şyqqan adamdar, köpbalaly analar aşqany quantady. Būl halyqtyŋ äleumettık osal toptarynyŋ ökılderı öz biznesın damyta alatyndyǧyn däleldeidı. Būl jerde halyq üşın eŋ bastysy qoljetımdılık bar» dedı ortalyqtyŋ aşyluyna qatysqan Nūr-Sūltan qalasy äkımınıŋ keŋesşısı Quanyş Moldabek.
Strong Mothers Ns qoǧamdyq qorynyŋ basşysy ärı äleumettık käsıpker Raigül Serıkbaevanyŋ aituynşa, ortalyqtar jelısın aşuǧa köpbalaly ana bolǧany ärı özınıŋ täjıribesı äser etken.
«Men aǧylşyn tılınıŋ ūstazymyn jäne serıktesterım de mūǧalım, sondyqtan bız bırge Bilim all jobasyn aşudy ūiǧardyq. Men ana retınde balalarymdy oqytuda qiyndyqtarǧa tap boldym: bärı qymbat jäne alys. Köpbalaly otbasylardan şyqqan balalardyŋ qoljetımdı qosymşa bılım aluyna mümkındıgı joq. Mūndai balalarǧa kömektesu menıŋ armanym boldy. Halyqtyŋ äleumettık osal toptaryna: köpbalaly otbasylardan şyqqan balalar, mügedektıgı bar jäne tolyq emes otbasylardan şyqqan balalar jatady» dedı qoǧamdyq qor basşysy.
Esterıŋızge sala keteiık, 2020 jyldyŋ basynan bastap Nūr-Sūltanda äkımdıktıŋ qoldauymen türlı toptardyŋ bastamasymen aşylǧan 10-ǧa juyq ortalyq jūmys ıstei bastady. Olar halyqtyŋ äleumettık osal toptaryna arnalǧan. Bügınde olar sättı jūmys ıstep, HÄOT sanatyndaǧy azamattarǧa qoldau körsetude. Olardyŋ qatarynda «Strong Mothers» bılım beru ortalyǧy, «Altyn şaŋyraq ūiasy» kiım tıgu sehy, «Baqytty şaŋyraq» qyzmet körsetu boiynşa köpsalaly ortalyq bar.
Sonymen qatar qala tūrǧyndaryna yŋǧaily bolu üşın Nūr-Sūltanda tūrǧyn üi salasynda qyzmet körsetetın bıryŋǧai ortalyq jūmys ısteidı, onda tūrǧyn üi mäselelerı boiynşa keŋes aluǧa bolady. Osylaişa mūnda tūrǧyn üi kezegıne qalai tūruǧa bolatynyn, tūrǧyn üi kezegınıŋ nömırın qalai tekseruge bolatyny, tūrǧyn üi baǧdarlamalaryna kım jäne qandai parametrler boiynşa qatysa alatyny, tūrǧyn üi sertifikatyn qalai aluǧa bolatyny, kredittık/jalǧa berıletın päterlerdı alu jäne basqa da mäseleler boiynşa jügınuge bolady.
Mūndai ortalyqtar jūmysty jüielendıruge jäne «bır tereze» qaǧidaty boiynşa qyzmet körsetuge mümkındık beredı. 2019 jyly elordada «Janūia» otbasy institutyn qoldau ortalyǧy aşyldy, onda mamandar azamattarǧa äleumettık mäseleler boiynşa keŋes beredı. Sondai-aq jastardyŋ mäselelerın şeşuge kömektesu üşın qalada jastarǧa qyzmet körsetu ortalyqtary jūmys ısteidı.
