Jaqynda «Duman» sauda üiınıŋ janyndaǧy alaŋda sonau AQŞ-ta merekelenıp, şetelde keŋınen taralǧan marafon öttı. Küllı älemge «Eŋ baqytty bes şaqyrym» degen atpen äigılı bolǧan aksiiaǧa bır myŋǧa juyq erıktı qatysty.
Şarany Astana äkımdıgınıŋ qoldauymen «Posadiderevo.kz» respublikalyq qoǧamdyq bırlestıgı ūiymdastyrdy. Aksiianyŋ maqsaty – salauatty ömır saltyn ūlyqtap, jastar men aǧa buyn ūrpaqtyŋ arasynda sportty nasihattau. Marafonǧa qatysuşy aldyn ala 2000 teŋgenıŋ biletın satyp alady. Bilet satylymynan tüsken qarajat qalany kögaldandyruǧa arnalǧan jobalarǧa jūmsalady. Jarysqa tıptı 7 jasqa tolmaǧan balalardyŋ da atsalysuyna rūqsat etılgen, olar üşın qatysu tegın.
Būl künı tek köŋıldı jandar jinaldy. Araqaşyqtyǧy bır şaqyrymnan tūratyn bes bekettıŋ ärqaisysynan qatysuşylardy volonterlar kütıp alyp, qoldaryndaǧy ūntaq boiaudy şaşyp jıberedı. Söitıp, söre syzyǧynan aq kiım kiıp şyqqandar märege jetkenşe türlı-tüstı jaŋbyrdyŋ astynda qalady. Erekşe dästür Ündıstanda köktemnıŋ keluıne orai toilanatyn «Holi» merekesıne qatty ūqsas. Bügınde mūndai marafondar älemnıŋ 50-den astam elınde ötkızıledı.
«Būl aksiia elımızde üşınşı ret bolyp jatyr. Mūnda jeŋımpaz joq. Bastysy – qatysuşylardyŋ meilınşe läzzat aluy men olardyŋ köŋıl-küiın köteru», – deidı atalmyş krosstyŋ ūiymdastyruşysy jäne «Posadiderevo.kz» respublikalyq qoǧamdyq bırlestıgınıŋ direktory Däuren Joldasbaev.
Mūndai köŋıldı oiyn-sauyq mülde qauıpsız, al onda paidalanylatyn ūntaq boiaular densaulyqqa eş ziian keltırmeidı. Sebebı, qūramy tek tabiǧi qospalardan tūrady. Tıptı, jeuge de bolady eken! Sondyqtan qatysuşylar boiauǧa qūlşyna şomylyp, öz denelerınde bırde-bır taza jer qaldyrmauǧa tyrysty.
Biyl saiysqa Activ ūialy bailanysy, «Coca-cola Almaty Bottlers» kompaniiasy, «Fitnation» fitnes-kluby, «Mary Kay» men «KFC Kazakhstan» kompaniialary öz qoldauyn körsettı. Köptıŋ köŋılınen şyqqan kross aldaǧy uaqytta Şymkent qalasynda ötkızıledı.
Künaiym SÄKEN
