MEMLEKET BASŞYSY NŪRSŪLTAN NAZARBAEV ASTANADA BES JŪLDYZDY ALǦAŞQY HALYQARALYQ PREMİUM-KLASTY QONAQÜIDIŊ AŞYLU RÄSIMINE QATYSTY. QONAQÜI «TALAN TOWERS» KÖP FUNKSİONALDY KEŞENINIŊ ǦİMARATYNDA ORNALASQAN.
Nūrsūltan Nazarbaev astanalyqtardy, investorlardy jäne qūrylysqa qatysqan barlyq azamattardy qonaq üidıŋ aşyluymen qūttyqtady.
– «EKSPO-2017» halyqaralyq körmesı qarsaŋynda elorda tūrǧyndaryna taǧy bır syilyq jasaldy. Būl – älemdık deŋgeidegı «Rits-Karlton» qonaq üiı. Onyŋ qūrylysyna sapaly tehnologiialar men standarttar qoldanylyp, qysqa merzım ışınde boi köterdı. Būl – qala infraqūrylymyna salynǧan zor investisiia, – dedı Memleket basşysy.
Qazaqstan Prezidentı Astananyŋ joǧary deŋgeilı qonaq üi keşenıne ie bolǧanyn atap öttı.
– Qonaq üi qūrylysyna Qazaqstannyŋ kompaniialary qatysty. Jaŋa ǧimaratta eŋ joǧary deigeidegı ıs-şaralardy ötkızıp, joǧary märtebelı meimandardy qabyldauǧa qajettı barlyq infraqūrylym bar, – dedı Nūrsūltan Nazarbaev.
Sondai-aq, Elbasy Qūrmettı qonaqtar kıtabyna qoltaŋba qaldyrdy.
Astananyŋ sol jaǧalauyndaǧy Talan Towers keşenınıŋ jalpy alaŋy – 120 myŋ şarşy metr. Onda Talan Towers Offices, «Rits-Karlton» qonaqüiı, SPA ortalyǧy, biznes ortalyǧy jäne «Emporium» sauda galereiasy ornalasqan.
