Ötken aptada elorda tūrǧyndary men qonaqtarynyŋ qauıpsızdıgın, sondai-aq, qala tynyştyǧyn küzetetın jauyngerlerdıŋ sany artty. Ūlttyq ūlannyŋ 5573 äskeri bölımıne qabyldanǧan 790 jas sarbaz saltanatty jaǧdaida Otanǧa ant berdı.
Astana ırgesındegı TMD boiynşa eŋ ülken äskeri qalaşyqta qūqyqtyq tärtıp äskerınıŋ jedel maqsattaǧy qūramasy ornalasqan. Bahtiiar Qazanbaev Pavlodar oblysy Aqsu qalasynan kelıptı. «Biylǧy şaqyrylymǧa tüskenım üşın öte quanyştymyn. Bız EKSPO körmesınıŋ tynyştyǧyn saqtauǧa atsalysamyz. Älemnıŋ är tükpırınen kelgen qonaqtar bızge nazarlaryn audaryp, baǧalaryn beredı. Bız özımızge jüktelgen mındettı mınsız atqaruymyz kerek» deidı ol.
Bügınde būl qalaşyqta qūramanyŋ jeke qūramymen bırge, halyqaralyq körme kezındegı qauıpsızdıktı küşeitu maqsatynda äskerdıŋ basqa öŋırdegı äsker bölımderınen arnaiy kelgen jauyngerler de bır otbasyndai bırlıkte qyzmet atqaryp keledı.
Ūlandyqtar auqymdy şaranyŋ qauıpsızdıgıne baǧyttalǧan küşeitılgen rejimdegı qyzmetke mamyrdyŋ 29-ynan bastap kırısken bolatyn. Osy aralyqta türlı qyraǧylyq tanytyp, zaŋ būzuşylardy qūryqtap, ülgılı qyzmetımen erekşelenıp keledı.
Qyryq kün arnaiy oqu beketterınde jattyǧyp, äskeri ömırdıŋ kün tärtıbıne daǧdylanyp, saptyq daiyndyqtaryn şyŋdaǧan jaŋa şaqyrylym Ant qabyldau räsımınen keiın qala köşelerınıŋ tynyştyǧyn küzetu üşın jauyngerlık qyzmetke kırısedı.
Güljan RAHMAN
