Sanauly künderden keiın Astana qalasy halyqaralyq turistık industriianyŋ ortalyǧyna ainalady. Kelgen qonaqtarǧa sapaly qyzmet körsetudı talap etetın oryndardyŋ bırı – qoǧamdyq tamaqtanu.
Qalanyŋ turistık damuy üşın halyqaralyq körmenıŋ maŋyzy zor. Astana qalasynyŋ Käsıpkerlık jäne önerkäsıp basqarmasy Jol kartasy aiasynda qoǧamdyq tamaqtanu oryndary men qonaqüilerdıŋ tızımın jasap, ondaǧy qyzmet körsetu sapasyn arttyru jūmystaryn jürgızdı. Atap aitqanda, tamaqtanu oryndarynda mäzırdıŋ üş tılde daiyndaluyna, qosymşa post-terminaldar ornatuǧa, ışkı jäne syrtqy kelbetı men abattandyru jūmystaryna köŋıl bölındı.
Tamaqtanu
oryndary
saqadai sai
Bügınde kelgen qonaqtar men qala tūrǧyndaryna qyzmet körsetetın 273 meiramhana, 460 kafe, 27 ashana saqadai sai. Oǧan qosa «Hanşatyr», «Saryarqa», «Keruen», «MegaSilkWay», «Aziia Park», «Arujan» jäne «Duman» sekıldı sauda oiyn-sauyq ortalyqtarynda 100-den astam tamaqtanu oryndary jūmys ısteidı. Jalpy, qoǧamdyq tamaqtanu oryndary bır mezette 106 myŋ adamdy qabyldai alady.
Aita keteiık, Astana qalasynyŋ äkımdıgı men «Astana EXPO-2017» ūlttyq kompaniiasy «Recommended by EXPO-2017» jobasyn jüzege asyrǧan bolatyn. Baǧdarlamanyŋ maqsaty – turistık qyzmettıŋ sapasyn köteru. Oǧan qaladaǧy qonaqüiler men hostelder, qoǧamdyq tamaqtanu oryndary, transporttyq kompaniialar, sauda oryndary jäne sūlulyq salondary belsendı türde qatysty. Arnauly sarapşylar atalmyş käsıporyndardyŋ qyzmet deŋgeiın anyqtau üşın baǧalau jūmystaryn jürgızdı. Nätijesınde joǧary talapqa sai keletın mekemelerge «Astana qalasynyŋ altyn serıktestıgı», «Kümıs serıktestık», «Qola serıktestık» nemese «Astana qalasynyŋ serıktestıgı» statusyn taǧaiyndady. Jobanyŋ qyzmet körsetu deŋgeiınıŋ qorytyndysy boiynşa 33 meiramhana, 4 kofehana, 10 gril-bar, 3 jyldam tamaqtanu orny, 1 şaraphana jäne 1 steikhaus serıktes atandy. Ärine, Densaulyq saqtau basqarmasynyŋ mamandary qoǧamdyq oryndardaǧy barlyq ashanalardyŋ qauıpsızdıgın qataŋ baqylamaq.
Älem mäzırı
ūsynylady
«Körmege daiyndyq barysynda auqymdy şaralar atqaryldy. Ärbır nysan jıtı tekserıldı. Olardyŋ bärı ışkı-syrtqy kelbetın jaqsartyp, kürdelı jöndeu jūmystaryn jürgızdı. Ondaǧy qyzmetkerler arnaiy kurstan ötıp, bılıktılıgın arttyrdy. Bızdıŋ aldymyzdaǧy eŋ basty mındet – qyzmet deŋgeiın köteru. Ol üşın astanalyq meiramhana ielerınıŋ qatysuymen treningter ötkızıldı. «Damu» käsıpkerlıktı damytu qorymen bırlese otyryp sala mamandaryna arnalǧan tegın seminarlar ūiymdastyryldy. Oǧan 1300-den astam biznes ökıldırı qatysty» deidı Astana qalasynyŋ Käsıpkerlık jäne önerkäsıp basqarmasynyŋ basşysy Rysgül Qauǧabaeva. Onyŋ aituynşa, şeteldık qonaqtar üşın ūlttyq taǧamdardan bölek, älem elderınıŋ süiıktı taǧamdaryn ūsynuǧa köŋıl bölınbek.
Daiaşylarǧa
sūranys artty
«EKSPO-2017» körmesıne daiyndyq jūmystary barysynda baiqaǧanymyzdai, äsırese, kassirler men daiaşylarǧa sūranys artqan. Osy tendensiianyŋ arqasynda qalalyq Qoǧamdyq tamaqtanu jäne servis kolledjınıŋ bıtıruşılerı jūmyspen qamtylyp otyr.
Taǧy bır mäsele, qyzmetkerlerdıŋ aǧylşyn tılın bılu deŋgeiı bolatyn. Qazırgı uaqytta barlyq meiramhana men kafe ielerı şeteldık qonaqtardy kütıp alyp, olarǧa qyzmet etetın bırneşe tıl bıletın äkımşı, daiaşy, sekıldı qyzmetkerler tobyn daiyndaǧan.
Jalpy, elorda ekonomikasynyŋ bır bölıgın qyzmet körsetu salasy qūraidy. Osyǧan bailanysty, körme qarsaŋynda sauda qyzmetın, meiramhana biznesın jaŋa satyǧa köterıp, atalmyş baǧytty keŋınen damytu maŋyzdy bolmaq.
«Osy maqsatta şaǧyn jäne orta bizneske jeŋıldetılgen nesie beretın «Jastar», «Astana servis» jäne «Start ap» baǧdarlamalary ıske qosyldy. Baǧa saiasatyn tūraqtandyru maqsatynda sauda oryndaryn qoldaudyŋ tetıkterı qarastyryldy. Tūrǧyndardy azyq-tülık önımderımen qamtamasyz etude köterme jetkızuşılermen, aimaqtardaǧy auylşaruaşylyq käsıporyndarmen memorandum jasaldy. Äleumettık maŋyzy bar taǧam türlerın satumen ainalysatyn sauda jelılerıne jeŋıldetılgen nesie ūsynyldy» deidı Rysgül Qauǧabaeva.
Gülmira
AIMAǦANBET
