Körmekke jaqsy körmeler
10-17 tamyz aralyǧynda elordada erekşe körme aptalyǧy öttı. «Tribute album» dep jalpy atpen atalǧan şarada astanalyq öner älemınıŋ ökılderı öz şeberhanalarynyŋ esıgın aşyp, törın körsettı.
Törın körsettı deitındei bar. Mūndai formaldy emes kezdesuler köbıne öz päterlerınde ötedı. Şetelderde «apartment exhibitions» dep atalatyn körmenıŋ būl türınde suretşınıŋ öz üiı körme zalyna ainalady. Ony Astanada alǧaş ret ūiymdastyrǧan önertanuşy Aigül İbraeva elordalyqtardyŋ biık önerge degen talǧamyn synamaqqa niet etıptı. «Astanalyqtardy ülken önerdı baǧalamaidy, jalpy elde bolyp jatqan türlı mädeni şaralardyŋ köptıgıne qaramastan belsendılıgı tömen. Tek şeneuıkter qalasy» dep josyqsyz jazǧyryp jatady. Būnyŋ bärı – ūşqary aitylǧan närse. Şyn mänınde, qala tūrǧyndaryn önerdıŋ ärbır baǧytynan jan-jaqty habardar, şyn önerdı baǧalai alatyn naǧyz aşyq jandar der edım. Bır apta boiynda ötkızılgen suretşılermen kezdesulerde osyǧan közım jettı.
Önertanuşy retınde elordalyq suretşılerdıŋ şeberhanasynda bolyp, olardyŋ bügıngı tynys-tırşılıgımen tanysyp, olardy oilandyryp jürgen maŋyzdy sūraqtardy estıgım keldı. Osy alaŋdy zerttei kele, tereŋınen zerdelep, osylar turaly jazǧym keledı» deidı önertanuşy.
Şved jäne «717 strit-art»
Menı Evgenii Şvedtıŋ önerı taŋǧaldyrdy deuge bolady. Qaladaǧy üilerdıŋ ırgetasyn nemese biık qaqpalardyŋ türlı-tüstı boiauly suretterıne qarap, erıkken jetkınşekterdıŋ ermegı dep oilauşy edım. Söitsem, onyŋ basynda «717 strit-art» suretşıler toby tūr eken. Rasynda būl suretşıler üşın tün jamylyp, üilerdıŋ bos qabyrǧalaryn örnektep, qaltarystarda qoltaŋbasyn qaldyrudy naǧyz önerdıŋ özı dep qabyldaidy. Tıptı, osyndai tünde jortqandar üşın düken aşyp ta ülgerıptı. Mūnda tek qana boiau-spreiler, köşenı körkemdeitın qalamdar satylady. Osy şara aiasynda qolönerımen ainalysatyn jastar, kiım tıgıp, äşekeilık būiymdar jasaityndar da öz önerın körsetuge mümkındık aldy.
«Şäi-pai» ışıp qaitalyq
«Şäi-pai», «Qyzyl-Kadmii» – art-tobynyŋ körmesı. Syǧanaq köşesındegı «7 Böşke» dep atalatyn üilerdıŋ bırınıŋ tömengı qabatynda ornalasqan jaida jinalǧandar ömır turaly söz qozǧady. Qazırgı küngı adamdardyŋ bır-bırıne uaqyt bölıp, tıptı körşısınıŋ de esıgın qaqpaitynyn aityp, äleumettık mäselenı köterdı. Adamdardyŋ jaqyndastyratyn biık önerdıŋ rölıne toqtaldy. Mūnda Äigerım Majithanqyzy (kurator, video-art), Äliia Kanibekova (fotografiia, kiızdı körkemdeuşı), Natalia Ligai (jivopis), Gülmaral Tatibaeva (jivopis, instaliasiia), Beibıt Äsemqūl (fotografiia), Jeŋıs Moldabekov (jivopis) qonaqtarǧa dastarhan jaiyp, şäi beredı.
Öner aptalyǧy şeber men qarpaiym adamdardyŋ arasyndaǧy şekarany joiyp jıberıp, suretşıler halyqtyŋ ünıne den qoidy. Körermender şeberdıŋ qūpiiasymen tanysty. Ortaq adamzatqa tän qūndylyqtardy nasihattau arqyly ekı jaqta ūtyspen şyqty deuge äbden bolady.
Aigül UAISOVA