Astanada aldaǧy jyly köptegen jaŋa köşeler men saiabaqtardyŋ qūrylysy bastalady. Bas qalanyŋ säuletın körkeitu maqsatynda qalalyq mäslihattyŋ deputattary memlekettık mūqtajdyq üşın jer telımderın satyp aludyŋ josparyn keşe ötken kezekten tys sessiia barysynda maqūldady.
JER TELIMDERINIŊ JOSPARY
Astana qalasy Tūrǧyn üi basqarmasynyŋ basşysy Ruslan Ahmetov deputattardy memlekettık mūqtajdyq üşın alyp qoiumen bailanysty jer telımderın nemese özge jyljymaityn mülıktı satyp alu josparymen tanystyrdy.
Onyŋ sözınşe, jalpy audany 0,78 gektardy qūraityn
8 nysan boiynşa 35 jer telımı satyp aluǧa jatady. Būl telımder Dostyq köşesınen N.Nazarbaev halyqaralyq äuejaiyna aparatyn ainalma jolǧa deiıngı Qabanbai batyr daŋǧylyn qaita qūruǧa, Esıl özenınıŋ 5-kezegın qaita jasauǧa, Ūly dala köşesındegı №39 köşe men Abylai han daŋǧyly bölıgındegı №27 köşenı, sondai-aq, N.Tılendiev daŋǧylynan bastap, Ş.Beisekova köşesıne deiın ekınşı Almaty köşesın saluǧa, Ä.Moldaǧūlova köşesındegı №19 jäne №21 üilerdıŋ aumaǧynda jäne Bögenbai batyr-Jeŋıs daŋǧyldary qiylysynda şaǧyn baqtardyŋ qūrylysyn jürgızuge, Tūran daŋǧyly-Daraboz köşelerı aralyǧyndaǧy Şarl de Goll köşesın saluǧa, E436-221 jobalyq köşelerı qiylysynda saiabaqtyŋ qūrylysyn bastauǧa alynady.
EŊBEK NARYǦY QORǦALUDA
Qazaqstanda şetel azamattaryn jūmysqa tartuǧa belgılı bır mölşerde kvota bölınedı. Astanada şeteldıkterge sūranys 11700 adamdy qūraidy. Qalalyq Jūmyspen qamtu, eŋbek jäne äleumettık qorǧau basqarmasynyŋ basşysy Ermek Ospanov osylai dep mälımdedı.
Onyŋ aituynşa, būl jūmys küşı jūmysşynyŋ bılımdılık deŋgeiınen bastap, jalpy alǧanda tört sanatqa bölınedı. Şeteldıkterdı jūmysqa tartuǧa rūqsat beretın arnaiy komissiia qūrylǧan. Onyŋ qūramyna qalalyq mäslihattan deputat Gülnar Danbaeva engen.
«Kvota men komissiia ne üşın kerek? Eŋ aldymen şeteldıkterdıŋ jūmysqa tartu üderısın baqylap otyru, belgılengen mölşerden asyrmau üşın qajet. Ekınşıden, eŋbek naryǧymyzdy qorǧau üşın kerek. Bız özımızdıŋ el azamattaryn jūmyspen qamtuǧa
basymdyq berıp otyrmyz.
Al qazır şamamen alǧanda 2500 sondai adam jūmyssyz retınde tırkeude tūr. Şeteldıkterge jūmysqa rūqsat
bergende de bärınen būryn bızdıŋ mamandardy üirete alatynyna nazar audaramyz» dedı Ermek Ospanov.
Osydan bes jyl būryn QR Işkı ıster ministrlıgı Köşı-qon komitetınıŋ ūsynysymen Astanada oralmandardy beiımdeu mäselesın şeşetın vedomstvoaralyq komissiia qūryldy. Alaida qazırgı taŋda atalmyş organǧa tüsıp jatqan ötınışter joq. Sol sebepten komissiia jūmyssyz otyr. Oralmandardy beiımdeu ısımen qalalyq Jūmyspen qamtu, eŋbek jäne äleumettık qorǧau basqarmasy ainalysuda. Sessiia barysynda joǧarydaǧy komissiia jūmysyn toqtatu mäselesı qaralyp, deputattar būl şeşımdı bırauyzdan qoldady.
ELBASY ŞYRŞASYNA 200 BALA QATYSADY
Ekonomika jäne biudjettık josparlau basqarmasynyŋ basşysy Erǧali Egemberdı qala biudjetıne biylǧy 10 aidyŋ qorytyndysynda tüsken qarjy kölemı turaly aityp, tüsım 9,9 paiyzǧa ūlǧaiǧanyn jetkızdı. Deputattar men halyq ünemı köterıp otyratyn äleumettık saladaǧy özektı mäselelerdı şeşuge qosymşa şamamen alǧanda 9 mlrd teŋge bölınıp otyrǧanyn aitty. Sonyŋ ışınde Bılım beru, Densaulyq saqtau,
Mädeniet, mūraǧattar jäne qūjattama, Jūmyspen qamtu, eŋbek jäne äleumettık qorǧau basqarmalaryna, Işkı ıster departamentıne bölıngen qarjyny jıktep berdı.
Tarqatyp aitatyn bolsaq, densaulyq saqtau salasyna 647 mln teŋge tiısılı. Osynyŋ ışınde 414 mln teŋge stasionarlarda kepıldı tegın medisinalyq kömek körsetuge, 233 mln teŋge därı-därmektı satyp aluǧa baǧyttalady.
Synyptardyŋ köbeiuıne jäne oquda jürgen ärıptesın auystyruǧa bailanysty mūǧalımderdıŋ jalaqysyna, jaŋa tüzetu mektep-internatty kütıp ūstauǧa qosymşa qarjy qarastyryldy. Biyl Qazaqstan Prezidentı şyrşasyna 200 jetım bala, köpbalaly, az qamtylǧan otbasylardan şyqqan baldyrǧandar qatysu üşın 65 mln teŋge bölu josparlandy.
POLİSİIа QYZMETKERLERINIŊ AILYǦY KÖTERILEDI
Audan äkımdıkterıne de ärtürlı jūmystarǧa qosymşa qarjy qarastyryldy. Atap aitsaq, Almatyǧa – 392 mln, Saryarqaǧa – 853 mln, Esılge – 729 mln teŋge. Būl qarjy negızınen abattandyru men kögaldandyruǧa,
sanitarlyq jaǧdaidy qamtamasyz etuge, memlekettık bılım beru tapsyrysyn mektepaldy ūiymdaryna ornalastyruǧa bölınbek.
Işkı ıster departamentı qyzmetkerlerınıŋ ailyǧy
25 paiyzǧa köterıledı. Ol üşın respublikalyq biudjette 291 mln teŋge qarasyryldy.
Qūrylys basqarmasynyŋ ekı jobasyna 120 mln teŋge bölu josparlandy. Ol E25 köşesındegı jäne R.Qoşqarbaev-Qordai köşelerınıŋ qiylysyndaǧy magistraldy jelu jelılerın saluǧa baǧyttalmaq. 2-jylu energiia ortalyǧyn keŋeitu men qaita qūruǧa respublikalyq biudjetten 3 mlrd 600 mln teŋge qarastyryluda. Jaŋa kölık jüiesı jobasyn jüzege asyruǧa qosymşa 792 mln teŋge bölınbek.
Amanǧali Qaljanov
