«Jariia» halyqaralyq ortalyǧy» qoǧamdyq qory men «Qyrǧyzstan-Astana» qyrǧyz etnomädeni ortalyǧy memlekettık qyzmet körsetu aiasynda jemqorlyqqa qarsy mädeniettı qalyptastyru taqyrybynda köşpelı qoǧamdyq qabyldau ötkızdı.
«Nūr Otan» partiiasynyŋ Astana qalalyq filialy jäne Qazaqstan Respublikasynyŋ Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Astana qalasy boiynşa departamentımen bırlesken jūmys josparyna säikes, Astana qalasynyŋ Köşı-qon basqarmasy men Almaty audanynyŋ HQKO qyzmetkerlerımen kezdestı. Osylaişa, eŋbek migranttary qatysyndaǧy körsetıletın memlekettık qyzmettıŋ sapasy jaiynda söz qozǧalyp, azamattardyŋ şaǧymdarymen tanysty. Is-şara barysynda qoǧamda jemqorlyqqa qarsy mädeniettıŋ qalyptasuyna būqaralyq aqparat qūraldarynyŋ, azamattyq qoǧamnyŋ yqpalyn arttyru mäselesı de qaraldy. Astana qalasy IID Köşı-qon polisiiasy basqarmasynyŋ bastyǧy Gülvira Dönenbaeva «EKSPO-2017» körmesınıŋ bastaluyna bailanysty jaŋa erejemen tanystyrdy. «Elordadaǧy eŋbek migranttary arasynda qyrǧyzdardyŋ üles salmaǧy basym. Sondyqtan da qatysuşylarǧa qyrǧyz tılınde jazylǧan eŋbek migrantynyŋ qūqyqtary men qoldanystaǧy zaŋnyŋ talaptary körsetılgen jadynama taratyldy. «1421» jedel jelı ıske qosylyp, migrasiia salasyndaǧy jemqorlyq faktılerı turaly tiıstı organdarǧa şaǧymdanuǧa mümkındık berıp otyr. Osy tūrǧyda müddelı organdarmen bırlese otyryp, jemqorlyqqa qarsy mädeniettı qalyptastyra alamyz» dedı «Qyrǧyzstan-Astana» qyrǧyz etnomädeni ortalyǧynyŋ jetekşısı Şavkat İsmailov.
Aigül UAISOVA
