Qala künıne arnalǧan merekelık şaralar aiasynda «Astana kubogy» üşın KTK komandalary arasyndaǧy halyqaralyq festival öttı.
Dästürlı türde ūiymdastyrylyp otyrǧan būl oiynǧa osy joly «Sbornaia RUDN» (Mäskeu), «SOIýZ» (Tiumen), «Aziia MIX» (Bışkek), «Bumerang» (Barnauyl) komandalary qatysty. Körermenderdı erekşe quantqany – olardyŋ arasynda astanalyq «Qazaqstannyŋ jaŋa qūramasy» da bar. Qazylar alqasy jas buynnyŋ qaljyŋdaryn erekşe baǧalap, KTK oiyndarynyŋ Joǧary ligasynda körınbei jürgen Qazaqstandy saǧynǧandaryn jetkızdı. Keş barysynda saiasi-äleumettık, qoǧamdyq, tūrmystyq taqyryptaǧy äzılder aityldy. Sonymen qatar, Şymkent, Qairat Nūrtas jaily qaljyŋdar jiylǧandardy qyran-topan külkıge batyrdy.
Qaljyŋmen jüzımızge qan jügırtken äzılkeşterdı Mihail Gulikov, Mihail Galustian, Tūrsynbek Qabatov jäne qalalyq mädeniet basqarmasynyŋ basşysy Bolat Majaǧūlov baǧalap, nätijesınde bäigege tıgılgen kubokty Qyrǧyzstan oiynşylarynyŋ qanjyǧasyna bailady.
Mädina JAQYP
