Kez kelgen adam üşin eŋ keregi – densaulyq. Sondyqtan da sonau zamandardan babalarymyz ony birinşi bailyqqa balaǧan. Öitkeni, auru-syrqaudan aman bolsaŋ ǧana maǧynaly ömir sürip, übirli-şübirli ūrpaq ösiresiŋ, el qatarly eŋbek etesiŋ.
Bizdiŋ elimizde būl mäselege erekşe män beriledi. Halqymyzdy sauyqtyru baǧytyn közdeitin «Salamatty Qazaqstan» memlekettik baǧdarlamasynyŋ qabyldanuy osy oiymyzdy aiǧaqtai tüseri anyq. Elbasymyz Nūrsūltan Nazarbaev Qazaqstan halqyna arnaǧan biylǧy Joldauynda «Adam nau-qastanudyŋ özine tiimsiz ekenin tüsinui kerek» degendi airyqşa qadap aitty. Tüsingen janǧa mūnyŋ bäri «auyryp em izdegenşe, auyrmaityn jol izde» degen danalyq sözdiŋ ömirşeŋdigin bildiredi. Densaulyqqa den qoisaq, tirşiligimizdiŋ mändi de sändi bola tüseri dau tudyrmasa kerek.
Bügin bükil düniejüzindegidei Astana jūrtşylyǧy da Densaulyq künin öz därejesinde atap ötpek. Endeşe, sergektikti serik etken elordalyqtardyŋ toi törine ainalǧaly tūrǧan «Jastar» saraiynyŋ janyndaǧy aşyq alaŋǧa jinalǧany jön. Mūnda siz salauattylyq saltyn däripteitin däris-ter tyŋdap, türli sporttyq şaralarǧa qatysyp, köŋiliŋizdi kök jailauǧa qondyrǧandai ädemi äserge bölenesiz.
Täniŋiz de, janyŋyz da sau bolsyn, aǧaiyn!
