KÜN SİIаQTY JANDAR BAR KÜLIM QAQQAN…
Naryqtyq zamannyŋ maşaqatynan ba, älde, rasymen özımız özgerıp kettık pe, aramyzda jeke bas paidasyn keiınge şegerıp, öz oljasynan görı özgenıŋ küiın oilaityn adamdar sany azaiyp barady. Ömırdıŋ sürudıŋ özı jalaqysy tiımdı jäne joǧary jūmys ornynda qyzmet etudı talap etetın ıspettı. Degenmen, oi men sözden marjan ızdegen, eŋbekke degen adaldyǧy biık, adamgerşılıgı men janaşyrlyǧy basym jandar bar älı. Men däl osyndai üş azamatty ärıptesterımnıŋ arasynan taptym.
Astana qalasy äkımdıgıne qarasty Belgılı tūraǧy joq adamdardy äleumettık beiımdeu ortalyǧynda köptegen qyzmetkerler arnaiy äleumettık kömek körsetıp keledı. Şyndyǧynda, qala tūrǧyndarynyŋ köpşılıgı bızdıŋ ortalyqtyŋ qandai qyzmet atqaratynynan beihabar. Bıraq, belgılı tūraǧy joq, türlı problemanyŋ şyrmauynda qalǧan, erık-jıgerı älsız talai janǧa ūjym qyzmetkerlerı jol sıltep, öz küş-jıgerlerın aiamai eŋbek etıp kele jatqany aqiqat.
Osydan bır jyl būryn ǧana Astana qalasy äkımdıgıne qarasty Belgılı tūraǧy joq adamdardy äleumettık beiımdeu ortalyǧyna jūmysqa ornalastym. Kün öte kele ūjym müşelerımen tanysyp, etene aralasa bastadyq. Menıŋ äleumettık qyzmet körsetu salasynda asa täjıribem de, ötılım de şamaly edı. Kışkene sūraq tua qalsa, bölım bastyǧyna tūra jügıremın. Sondai künderdıŋ bırınde direktordyŋ äleumettık mäseleler jönındegı orynbasary Dinara Janatqyzy: «Osy mekeme aşylǧaly berı qyzmet etıp jürgen üş kısı bar. Olar: Janbosyn Meŋlıbekov, Zäure Sälımova jäne Liubov Mukanova. Osy qyzmetkerler senı köp närsege üiretedı, bılmegenıŋdı solardan sūra» dep keŋes berdı.
Rasynda, menıŋ köŋılıme sypaiylyǧymen, psihologiialyq erekşe tözımdılıgımen jäne eŋbeksüigıştıgımen jūmysyma asa talpynys bergen sol qyzmetkerler edı.
Zäure Sälımova – aq halatty adal jan. Ortalyqtyŋ alǧaşqy künderınen meiırbike qyzmetın atqaryp keledı. Mınezı jaidary, är sözınen säule şaşqan äserge toly äŋgımelerı kez kelgendı tebırentpei qoimaidy. Zäure Janbolatqyzy äzılge de beiımı bar. Kei kezde küldıre otyryp, kökeiıŋdegını däl tapsa, endı bırde aqylyn kökıregıŋe qolmen qoiǧandai qondyra qoiady. Bärın ait ta, bırın ait, jūmysqa adaldyǧy ärbırımız ülgı alarlyqtai. Tūp-tura Astana künınde eluge tolǧan Zäure Janbolatqyzyna eŋbegınıŋ jemısın körudı tıleimız.
Al, Janbosyn Amanbaiūly turaly kösıle söileuge bolady. Mınezı qyzmetıne sai. Ol tärtıp inspektory bolǧandyqtan, jūmysy josparly, sabyrly, eŋ bastysy, ısı – nätijelı. Sondyqtan bolar, barlyq qyzmetkerler men qyzmet aluşylar arasynda bedelı zor.
Qarbalasqan jūmys künderınde Liubov Mukanovany körseŋız, tomaǧa tūiyq kısı eken dep qaluyŋyz ǧajap emes. Alaida, ol ainalasyna meiırım şaşqan kün siiaqty. Aldyna kelgen jandy bar yntasymen tyŋdap, bılgenı men qoldan keler kömegın aiamaidy. Ülkenge qūrmet, kışıge ızet körsete bıletın Liubanyŋ jūmysynda bır mın joq.
Men ömırdı osyndai jandarmen ädemı dep bılemın. Jäne aldaǧy künderge ızgı azamattarǧa qarap senım artamyn. Jer betındegı tynyştyq jyly şyraily adamdardyŋ arqasynda saqtalady.
Al, sızdıŋ ärıptesterıŋız qandai?
Aidana QARABEKOVA,
Astana qalasy äkımdıgı
Belgılı tūraǧy joq adamdarǧa arnalaǧan äleumettık beiımdeu ortalyǧynyŋ qyzmetkerı