Elorda ırgesındegı Qajymūqannyŋ kındık qany tamǧan auylynda ataqty baluannyŋ äkesı Mūŋaitpas babamyz jerlengen köne beiıtke ūrpaqtary eskertkış belgı qoidy.
Oraza aittyŋ alǧaşqy künı osyndai igılıktı şarany ıske asyruǧa küş atasynyŋ şöberesı, jasy toqsandaǧy Farida Qaliollaqyzy mūryndyq boldy. Bügınde apamyz Reseidıŋ Omby qalasynda tūrady. On balany düniege äkelgen ardaqty ana. Balalarynyŋ bärı erjetken, joǧary bılımdı maman ielerı. Keiuana – baluannyŋ ülken ūly Qaliollanyŋ qyzy. Qaliolla äkemızden tört ūl, ekı qyz örbıgen. Apamyz torqaly toqsandy alqymdasa da älı tyŋ. Köp jaǧdailardy zerdesıne jaqsy saqtaǧan. Onyŋ aituynşa, äkesınıŋ tūŋǧyş balasy Şabdan 1926 jyly tuǧan. Odan keiın özı 1928 jyly ömırge kelgen. Sodan soŋ Roza, Qūlymbet, Janaidar jäne Älkei degen balalary bolǧan. Bügınde apamyzdyŋ er bauyrlarynyŋ bärı dünieden ozǧan. Tek jasy seksen bestı alqymdaǧan Roza degen sıŋlısı ekeuı ǧana qalǧan. Qazır ol kısı Kökşetau qalasynda tūrady.
Bügınde Ombydaǧy baluannyŋ ūrpaqtarynyŋ özı – bır qauym el. Şabdannan Serık, Mūratqan, Janat degen ūldar tarasa, Qūlymbettıŋ Maqsūt, Azamat degen ekı balasy bar eken. Älkei ömırden erte ötken. Odan ūrpaq qalmaǧan.
Qajymūqan jaiynda jazylǧan dünielerde onyŋ Ombydaǧy ömır jolynan syr tartqan estelıkter kezdesedı. Farida apamyz atasyn Ombynyŋ Şarlaq audany Abylai auylynda tūrǧanyn aitty. Baluannyŋ beinesı de şala-pūla esınde qalypty.
«1937 jyly mektep tabaldyryǧyn attadym. Sonda oquǧa toǧyz jasta barǧan sekıldımın. Ülken aǧam Şabdan üşınşı synypta oqidy. Atamnyŋ Sofiia degen qyzy boldy. Sol qyz ben aǧam ekeuı atamnyŋ bauyrynda östı. Col jyly elde auqatty adamdardy ūstap, türmege qamai bastaǧan kezde ol kısı sodan boi tasalap, Qazaqstanǧa ketıp qaldy. Äkem Ombyda qaldy. Sodan bailanysymyz bolǧan joq» dedı apamyz.
Bıraq äkesı Qaliolla seksennen asyp dünie salǧan. Baluannyŋ keiıngı balalary Aidarhan men Janäbıldı bılgen. Aidarhanmen aralasqan. Al Janäbılmen Kökşetaudaǧy sıŋlısı jaqyn syilasypty.
Şara barysynda Qajymūqan auylynyŋ ırgesındegı baluannyŋ äkesı Ernaqūly Mūŋaitpas jatqan eskı ziratqa eskertkış belgı ornatyldy. Sol jerde Farida apa: «Ata-babamnyŋ osy jerde ömır sürgenın bılemın. Būryn aǧam men bauyrlarym bar kezde būl şaruaǧa aralasym bolǧan joq. Endı olardyŋ bärı ömırden öttı. Qazır osy äulettıŋ ülkenı men bolyp otyrmyn. Keiıngı ūrpaqtar jas. Osy ıs maǧan qarap qalǧan sekıldı körındı. Sodan balalaryma aityp, osy belgıden keiıngı jastar babalary jatqan jerdı bılıp jürsın dep qoiyp otyrmyn» dep taǧylymdy oi örbıttı. Tarih ǧylymdarynyŋ doktory Maqsat Alpysbes jinalǧandarǧa Qajymūqannyŋ ömır jolynan estelık aitty. Odan keiın küş atasynyŋ ūrpaqtary babalar äruaǧyna as berıp, dūǧa baǧyştady.
Azamat ESENJOL
