Larisa BUHANOVSKAIа, Astana qalasy №6 emhananyŋ bas därıgerı:»DÄRIGERGE VEB-SAIT ARQYLY JAZYLUǦA BOLADY»

Tolǧanai Seiıtqaliqyzy:

– Jaŋa tuǧan, aiy-künı tol­mai şala tuǧan bala­lar­­ǧa re­sept boi­yn­şa qo­sym­şa te­gın ta­maq berıle me?
– Qazaqstan Respublikasy Den­­saulyq saqtau ministrınıŋ 2011 jylǧy 4 qaraşadaǧy «Te­gın medi­sinalyq kömektıŋ ke­pıl­dık berıl­gen kölemınıŋ şeŋ­­berınde ambu­la­toriialyq deŋ­geide belgılı bır auru­lary (jai-küiı) bar ha­lyq­ty tegın qam­tamasyz etu üşın dä­rılık zat­­tar­dyŋ jäne medi­si­nalyq maq­­­sat­taǧy būiym­dar­dyŋ jäne ma­man­­dan­dyrylǧan emdık önımder­dıŋ tızbesın bekıtu turaly» №786 būiryǧyna säikes, medi­­­sinalyq körsetkışter boiyn­­şa ömırınıŋ alǧaşqy künı­nen bas­­tap ja­sandy tamaq ışetın sä­bi­lerge qūr­ǧaq qospa türındegı ba­lalar tama­ǧy resept boiynşa te­gın berıledı.
Astanadaǧy barlyq emhanada jaŋa tuǧan balalardy tolyqtai jä­ne aralas jasandy tamaqqa kö­şı­ru jönındegı komissiia jū­mys ıs­teidı. Är balaǧa qatysty sol komissiia müşelerı şeşım şy­ǧarady. Son­dyqtan, aldymen uchas­kelık balalar därıgerıne jo­lyq­qanyŋyz jön.

Aidarbek Aiypov:

– Fliuorografiialyq tekseruden jylyna bır retten artyq ötuge bolmaidy ǧoi. Solai ma?
– Qazaqstan Respublikasy Den­saulyq saqtau ministrınıŋ 25.04.2011 jylǧy «Tuberkulezben küres jönındegı keibır mäseleler turaly» №218 būiryǧyna säikes, azamattar fliuorotekseruden jylyna bır ret ötuge mındettı. Aurudyŋ körsetkışterıne bailanysty, nauqas auyrǧan nemese tuberkulezben auyrǧan adammen qarym-qatynasta bolǧan jaǧdaida, ony qaita ötudı därıgerdıŋ özı şeşedı. Iаǧni, därıger qajet dep tapsa, tekseruden ötkenıŋız jön.

Mira Bolatqyzy:

– Kökşetau qalasynan kelıp edım. Jūmys ıstemei­mın jäne Astanada tırkelmegenmın. Jüktılıgım boiyn­şa qaida esepke tūruym kerek?
– Qazaqstan Respublikasynyŋ «Halyq densaulyǧy jäne densaulyq saqtau jüiesı turaly» kodeksınıŋ 88 jäne 91-babyna säikes, ärbır äiel jüktılıgıne bailanysty naqty mekenjaiy boiynşa bekıtılgen emhanaǧa «D» esepke tūruǧa qūqyly. Būl rette sızdıŋ Astanada tırkeluıŋız talap etılmeidı.

Aigül Düisenova:

– «Tūmauǧa qarsy egıluım qajet pe?» dep sūraǧanymda, därıger: «Būl öz er­kı­ŋız» dep jauap berdı. Sonda qa­lai, me­nıŋ aǧzama onyŋ kerek, ne ke­rek emes ekenın bıletındei, men dä­rı­ger emespın ǧoi. Būǧan ne deisız?
– Qazaqstan Respublikasynda tūmauǧa qarsy egu mındettı bolyp sanalmaidy. Degenmen, immunitetı tömen, jiı auyratyn, bronhialdy astmasy bar nauqastardyŋ vaksina qabyldaǧany jön. Būl rette pasienttıŋ pıkırı mındettı türde esepke alynady, sebebı, tūmauǧa qarsy egu bızdıŋ elde azamattardyŋ erkımen jürgızıledı. Tūmaudan saqtanudy oilastyrǧan är adam eŋ aldymen uchaskelık terapevtke qaraluy kerek. Öz basym egıludıŋ būl türın qoldaimyn.

Aitjan Moldabaeva:

– Zaŋ boiynşa menıŋ dä­rı­gerdı, emhana men auruhanany taŋdauǧa qūqym bar ma?
– Qazaqstan Respublikasy Ükıme­tı­nıŋ 2011 jylǧy 1 qaraşadaǧy «Bas­tapqy medisinalyq-sanitariialyq kö­mek körsetu qaǧidalaryn jäne aza­mat­tardy bastapqy medisinalyq-sani­tariialyq kömek ūiymdaryna bekıtu qaǧi­dalaryn bekıtu turaly» №1263 qau­lysy negızınde azamattardyŋ bas­tap­qy me­disinalyq-sanitariialyq kö­mek körsetetın ūiymǧa bekıtıluı tū­raq­­ty nemese uaqytşa tūrǧylyqty, jū­mys ıstei­tın, oqityn jerı boiynşa bır äkım­şılık-aumaqtyq bırlık şegınde därı­ger­dı, me­di­sinalyq ūiymdy erkın taŋdau qūqy negızınde jüzege asyrylady.
Azamattar BMSK ūiymynyŋ bıreuı­ne ǧana bekıtıle alady. Sonymen bırge ol bekıtılgen halyq sanynyŋ norma­tivterıne säikes jüzege asyrylady. Bügıngı taŋda Astana emhanalaryndaǧy jüktemenıŋ köptıgıne bailanysty azamattardy emhanaǧa bekıtudı tırkeu naqty mekenjai boiynşa jürgızılude.

Qyzǧaldaq Balǧabekqyzy:

– Därıgerler mülde bala kötere almaitynymdy aitty. Qoldan ūryqtandyrudyŋ mümkındıkterın paidalanyp körgım keledı. Bıraq, ol aqyly ekenın jaqsy bılemın ärı būǧan deiın de bır perzent süiemız be degen ümıtpen qanşama qarajatty bosqa jıberdım. Aityŋyzşy, Larisa Viktorovna, özım tırkelgen emhana arqyly EKŪ-ǧa kvota ala alam ba?
– Qazaqstan Respublikasy Den­­sau­lyq saqtau ministrınıŋ 30.03.2011 jylǧy «Ūrpaqty bolu­dyŋ qo­sal­qy ädıs­terı men tehno­logiia­la­ryn jürgı­zu erejesın bekı­tu tu­raly» №162 būi­­­ry­ǧyna säi­kes, 2010 jyldan bastap ekstra­kor­­po­raldy ūryq­tan­­dy­ru tegın me­disinalyq kömektıŋ kepıl­dık be­rılgen kölemınıŋ şeŋberınde jüze­ge asyrylady. Eger bedeulıgıŋız anyq­talsa jäne Rysqūlov köşe­sındegı 8-üide ornalasqan №1 peri­na­tal­dyq ortalyqtyŋ otbasyn jos­parlau bölımşesınde qaralyp jür­seŋız, joǧarydaǧy būiryqtyŋ negı­zınde EKŪ prosedurasyn qajet ete­tın pasientter tızımıne tırkelesız. Peri­na­tal­dyq or­talyqqa joldamany belgılı tek­serulerden ötkennen keiın uchas­kelık därıgerıŋız jazyp beredı. Otbasyn josparlau bölımşesınıŋ gine­kolog-endokrinolog därıgerıne jazylu üşın aldyna ala 43-27-25, 43-27-39 nemese 43-27-21 telefondaryna habarlasuyŋyzǧa bolady.

Märiiaş Qaiyrjanova:

– Qandai jaǧdailarda kvota boiynşa şetelde emdele alamyn? 
– Kvota boiynşa şetel­de e­mdelu üşın Ükımettıŋ 2009 jylǧy 4 jeltoqsandaǧy qau­ly­symen be­kıtılgen «Qa­zaq­stan Res­pub­likasy azamattaryn biudjet qarajaty ese­bınen şetelge emdeluge jıberu turaly erejege» säi­kes, emdeudıŋ bızdıŋ elımızde qol­­da­­nylmaityn, joǧary teh­no­lo­giialyq täsılderı qa­jet bolǧan jaǧ­daida, el azamattary şe­telde emde­luge jıberıledı.