Elbasy memlekettık tıldı latyn qarpıne köşıru jönındegı jobany ıske asyru üşın qūrylǧan jūmys tobynyŋ müşelerımen kezdestı, dep habarlady QR Prezidentınıŋ baspasöz qyzmetı.
Jiynda Memleket basşysyna qoǧamdyq talqylaular barysynda kelıp tüsken ūsynystardy eskere otyryp, äzırlengen qazaq tılınıŋ latyn qarpıne negızdelgen bıryŋǧai standartynyŋ jobasy ūsynyldy.
Qazaqstan Prezidentı memlekettık tıldı reformalau ruhani jaŋǧyru baǧdarlamasy aiasyndaǧy maŋyzdy mäselelerdıŋ bırı ekenın atap öttı.
– Būl künderı qazaq tılınıŋ jaŋa älıpbiıne bailanysty mäsele qoǧamda qyzu talqylanuda. Oǧan köptegen adam qatysty. Latyn qarpıne köşu turaly ideia bız täuelsızdık alǧan kezden tuyndaǧan bolatyn. Qazaq jazuynyŋ latyn qarpıne köşuı ärdaiym menıŋ airyqşa baqylauymda boldy, – dedı Nūrsūltan Nazarbaev.
Osy rette, Elbasy latyn qarpıne köşu üderısınıŋ tarihi mänı bar ekenıne toqtalyp, būl mäselenı bırlese şeşu qajettıgın aitty.
– Älemde eşbır el özınıŋ jaŋa älıpbiın bükıl halyq bolyp osylaişa talqylaǧan emes. Bız üşın ärbır adamnyŋ pıkırın bılu maŋyzdy. Latyn qarpıne köşuge bailanysty Prezident Äkımşılıgıne 300-den astam ötınış kelıp tüstı. Jastardyŋ būl üderıstı qoldaǧany quantady, – dedı Memleket basşysy.
Nūrsūltan Nazarbaev qazaq tılınıŋ jaŋa älıpbiınıŋ jobasyn talqylauǧa jetekşı qoǧamdyq bırlestıkterdıŋ, ǧylymi orta men jūrtşylyqtyŋ belsendı türde atsalysqanyna nazar audardy.
Kezdesu barysynda Qazaqstan Prezidentıne atqarylǧan jūmystardyŋ nätijelerı jönınde A.Baitūrsynov atyndaǧy Tıl bılımı institutynyŋ direktory E.Qajybek jäne Ş.Şaiahmetov atyndaǧy Tılderdı damytudyŋ respublikalyq üilestıru-ädıstemelık ortalyǧynyŋ direktory E.Tıleşov baiandady.
Elbasy jiynǧa qatysuşylardyŋ esebı men pıkırlerın tyŋdap, airyqşa män berudı qajet etetın jekelegen mäselelerge toqtaldy.
– Qazaq tılınıŋ latyn qarpıne köşuı orys tıldı azamattardyŋ qūqyqtaryn, orys tılı men basqa da tılderdıŋ mümkındıkterın şektemeidı. Orys tılınıŋ kirill qarpınde qoldanyluy özgerıssız qalady. Ol būrynǧydai qyzmet atqara beretın bolady. Jaŋa älıpbige köşu qazaq tılın meŋgerudı jeŋıldetedı, – dedı Nūrsūltan Nazarbaev.
Elbasy latyn qarpıne köşu kürdelı üderıs ekenın, sondai-aq, onyŋ maqsaty tılımızdı damytu jäne ony älemdık aqparattyq keŋıstıkke şyǧaru üşın jaǧdai jasau bolyp tabylatynyn atap öttı.
Būdan bölek, Memleket basşysy jaŋa älıpbidı bılım beru jüiesıne engızu üşın mūǧalımder men ädıstemelık bazany daiyndau qajettıgın aityp, Ükımetke ony kezeŋ-kezeŋımen engızu jönındegı jospar äzırleudı tapsyrdy.
Soŋynda Elbasy qazaq älıpbiın reformalauǧa qoldau bıldıruşılerge alǧys aitty.
