Elordadaǧy №76 mektep-liseiınde qanatqaqty joba retınde latyn älıpbiınde jūmys ısteudı bastaǧan bılım beru oryndary arasynda «Latyn Alıpbıı» atty qalalyq kışı olimpiada öttı.
Būl ıs-şarany «Astana daryny» daryndylyqty damytu jäne psihologiialyq ortalyǧy ūiymdastyrdy. Olimpiadanyŋ maqsaty jasöspırımder arasynda latyn grafikasyna negızdelgen qazaq älıpbiın nasihattau jäne olardyŋ tıldık bılımderın jetıldırudı közdegen. Saiysqa şahardaǧy bılım beru oryndarynan – 5 mektep, 3 kolledjden 8 komanda qatysty. Olimpiada tört ainalymnan tūrdy. Olar «Älıpbi», «Oi-tanym», «Ol kım, būl ne?» jäne «Tıltanym» dep ataldy.
Baiqaudyŋ aşyluynda №76 mektep-liseiınıŋ direktory Safura Tölekova Elbasynyŋ «Bolaşaqqa baǧdar: ruhani jaŋǧyru» baǧdarlamasynda aitylǧan parasatty oilarǧa toqtalyp, qatysuşylarǧa tılektestıgın bıldırdı.
Saiysqa Şaisūltan Şaiahmetov atyndaǧy «Tıl-Qazyna» ūlttyq ǧylymi praktikalyq ortalyǧynyŋ mamandary qazylyq jasady.
Sonymen, bırınşı oryndy №77 mektep-gimnaziiasy jeŋıp aldy. Ekınşı oryndy №76 mektep-liseiı men №68 orta mektebı ielendı. Üşınşı oryndy – №40 orta mektebı, №67 gimnaziiasy men gumanitarlyq kolledj komandalary qanaǧat tūtty.
