11 qazannan keler jyldyŋ 4 qaŋtaryna deiın barlyq otandyq turoperator qyzmet türıne qarai lisenziiasyn qaita räsımdeuı tiıs. Ötınımdı qabyldau Qazaqstan Respublikasyndaǧy elektrondyq lisenziialau resursy www.elicense.kz portalynda jüzege asyrylady.
Lisenziiany alu nemese qaita räsımdeu mynadai algoritm boiynşa jürgızıledı:
- «Qyzmetke onlain tapsyrys beru» tüimesın basu, keiın jaŋa terezede «Elektrondy lisenziialau» portaly aşylady.
- Jüiege kıru nemese «Elektrondy lisenziialau» portalyna tırkelu.
- Qyzmet pasportynda qūjattar paketımen tanysyp, «Qyzmetke onlain tapsyrys beru» tüimesın basu. Onda qajettı qosalqy qyzmet türın taŋdap, «Ärı qarai» tüimesın basu.
- Bos jolaqtarǧa qajettı mälımetterdı belgıleu, ötınımdı toltyryp, ESQ arqyly qol qoiu qajet.
- Jıberılgen ötınımnıŋ statusyn «Jeke kabinettegı» «Menıŋ ötınımderım» bölımınen baqylauǧa bolady. Rūqsat alu turaly «Menıŋ rūqsat berılgen qūjattarym» bölımınen, habarlama alu turaly «Menıŋ habarlamalarym» bölımınen bıluge bolady.
Lisenziialau boiynşa memlekettık qyzmet türın alu üşın käsıpkerdıŋ jeke elektrondy sifrlyq qoltaŋbasy qajet. «Kazakh Tourism» ŪK AQ töraǧasynyŋ orynbasary Qairat Säduaqasovtyŋ aituynşa, Qazaqstanda syrttan keluşıler turizmı boiynşa jyl saiynǧy ösım ortaşa 10 paiyz deŋgeiınde baiqalady. Soŋǧy 5-6 jylda ışkı turizm boiynşa da oŋ dinamika 10-15 paiyz deŋgeiınde.
