Būrnaǧy künı Astana qalasy äkımdıgınıŋ janyndaǧy Memlekettık rämızder jönındegı komissiianyŋ kezektı otyrysy öttı. Osynyŋ aldyndaǧy otyrysta atalmyş komissiia töraiymy, qala äkımınıŋ orynbasary Aida Balaeva şahar mekemelerınıŋ maŋdaişalary men köşelerde ornalasqan rämızderdıŋ tiıstı zaŋ talaptaryna säikestıgın anyqtau üşın reid jürgızuge tapsyrma bergen edı.
Reid qorytyndylary turaly baiandaǧan elordanyŋ Işkı saiasat basqarmasynyŋ basşysy Bolat Tılepovtıŋ sözınen būl mäselege salǧyrt qaraityn mekemeler men käsıpkerlık nysandar älı de molynan ūşyrasatyny belgılı boldy. Olar – Astana qalasynyŋ Zeinetaqy töleu men Jyljymaityn mülık ortalyqtary, Almaty audanynyŋ Ädılet departamentı men osy audannyŋ Halyqqa qyzmet körsetu ortalyǧy, Qarjylyq baqylau inspeksiiasy, Jer qatynastary basqarmasy. Memlekettık rämızderge jürdım-bardym qaraǧan mekemelerdıŋ qataryna osylarmen bırge Astana qalasynyŋ Ädılet departamentımen qala prokuraturasy kırgen. Būl mekemelerdegı ortaq kemşılık – maŋdaişalaryŋdaǧy Memlekettık Tu qaq aiyrylǧan, Eltaŋbaǧa qaraŋǧy mezgılde jaryq tüspeidı. Sondai-aq, bırqatar qonaq üiler men şetelderdıŋ mädeni ortalyqtary Memlekettık Tudy dūrys ornalastyrmaǧan.
|
CÜBELI SÖZ |
|
| ffffffffff |
Aida BALAEVA, astana qalasy äkımnıŋ orynbasary:– Memlekettık rämızderge qatysty keleŋsızdıkterge jol berıp qoiǧan mekeme basşylary men qyzmetkerlerınen tüsınıkteme alyp, osy taqyrypqa arnalǧan seminar ötkızıp tūrǧan jön. Zaŋ boiynşa memlekettık rämızderdı qorlaǧandarǧa 200 AEK kölemınde aiyppūl saluǧa qūqyqtyq negız bolsa, aitylǧandai ony qaltadan ūratyndai qomaqtyraq qylyp salu kerek. |
Reid qorytyndylary boiynşa audan äkımdıkterı de kemşılıkter anyqtalǧan mekemelerge qoldanylǧan şaralarmen tanystyrdy. Almaty audany äkımınıŋ orynbasary Tüsıp Rysbekov rämızderge qajettı deŋgeide qaramaǧandarǧa 37 myŋ teŋge aiyppūl kesılgenın aitty.
Osynyŋ bärın tyŋdaǧan Aida Ǧalymqyzy bır emes, bırneşe ret rämızderge dūrys qaramaǧan mekemelerdı anyqtaudy tapsyrdy. Sonymen qatar, elordada dauyl jiı tūratyndyqtan Bas Tu jiı tüsırıletındıgın, adam ömırıne qauıp keletındıkten, jel toqtaǧanşa ony qaitadan joǧary köteru mümkın emestıgın, osyny halyqqa tüsındıru qajettıgın aitty.
Memlekettık hatşy kelesı jyldyŋ säuırıne deiın geraldikany qoldanu boiynşa tekserıs jürgızuge tapsyrma berdı. Osyǧan orai Işkı saiasat basşysy B.Tılepov tiıstı adamdardan komissiia qūryp, Jaŋa jyl merekesınen keiın būl ıstı bastap ketuge tapsyrma aldy.
Amanǧali QALJANOV
