Astana qalalyq mäslihatynyŋ hatşysy Erlan Kanalimov jaŋa jyldyŋ basynda mäslihattyŋ 2022 jyly atqarǧan jūmystarynyŋ qorytyndysyn şyǧardy. Onyŋ aituynşa, ötken jyly mäslihatta 35 sessiia ötkızılgen. Sonyŋ ışınde 7 kezektı jäne 28 kezekten tys sessiiada 270-ten astam mäsele qaralyp, tiıstı şeşımder qabyldanǧan.
– Äleumettık salanyŋ damuyna ülken üles qosyldy. Bız äleumettık sala qyzmetkerlerınıŋ jalaqysyn arttyru, tötenşe jaǧdai qyzmetkerlerıne äleumettık kömek körsetuge qarajat bölu, gazǧa qosylǧan kezde az qamtylǧan otbasylarǧa materialdyq kömek körsetu, mügedektıgı bar balalar men eresekterdı oŋaltu jäne t.b. boiynşa ūsynystardy qoldadyq. Jergılıktı jaǧdaidy naqtylau üşın 200-den astam köşpelı otyrys ötkızıldı, olardyŋ jūmysyna memlekettık organdardyŋ, ÜEŪ basşylary, eŋbek ūjymdary qatysty. Tūrǧyn üi alaptaryn abattandyru deŋgeiın arttyru boiynşa maqsatty jūmystyŋ qorytyndysy Almaty audanynda ornalasqan «Iýgo-Vostok» şaǧyn audanynyŋ keşendı damu josparyn äzırlenıp, jüzege asuda. Osy josparǧa säikes basqa alaptardy damytu josparlary daiyndaldy, – dedı E.Kanalimov.
Sonymen qatar qala audandarynyŋ tūrǧyndarymen kezdesu qorytyndysy boiynşa densaulyq saqtau, qūqyqtyq tärtıptı qamtamasyz etu, tötenşe jaǧdailardyŋ aldyn alu salasyndaǧy negızgı mäselelerdı jüieleu de – maŋyzdy jetıstık. Nätijesınde boljamdy şyǧystar men qarjylandyru közı eskerıle otyryp, üş jyldyq kezeŋge arnalǧan jūmys jospary daiyndalǧan.
«Bız alǧaşqylardyŋ bırı bolyp «Täuelsızdıktıŋ 30 jyldyǧyna arnalǧan 30 igı ıs» aksiiasyn qoldadyq jäne älı de ötkızıp jatyrmyz. Orta jäne joǧary oqu oryndarynda jyl saiynǧy tegın oqu granttary, auruhanalardy qorǧau qūraldaryn satyp alu men qymbat zamanaui jabdyqtardy satyp aldyq» deidı mäslihat hatşysy. VII şaqyrylymdaǧy deputattar ekı jyl ışınde elordanyŋ mūqtaj tūrǧyndaryna, sondai-aq oqu jäne medisinalyq mekemelerge 1 mlrd teŋgeden astam somaǧa qaiyrymdylyq kömek körsetken.
