Jeŋıs künı qarsaŋynda Astana äkımı Äset İsekeşev elordada tūratyn bırqatar Ūly Otan soǧysy ardagerlerınıŋ üiıne arnaiy baryp, merekemen qūttyqtady.
Asylhan Bekbaev äsker qataryna 18 jasynda şaqyrylǧan. 1944 jyldyŋ qaraşasynda 134-şı gvardiialyq aviasiia polkınıŋ 6-şy gvardiialyq aviasiialyq bombylau diviziiasynyŋ 3-şı Belarus maidanynda basqynşylardan Belorussiia men Pribaltikany azat etuge qatysqan ol soǧystan keiıngı ǧūmyryn bılım salasyna arnaǧan.
«Armiiada 10 jyl boldym, onyŋ 4 jyly Şyǧys Prussiiadaǧy soǧysta öttı. Būl soǧys turaly ne aituǧa bolady? Özıme qymbat joldastarymnyŋ bärı esımde. Men Şyǧys Prussiiadan Pe-2 ūşaǧymen ūşyp, sol jerde auyr jaralanyp, jüre almai qaldym. Maǧan belarustyq Tatiana Novikova degen qyz kütım jasady. Sodan sol qyzǧa üilenıp, ony Şyǧys Qazaqstan oblysy Besqaraǧai audanyna alyp bardym. Tatiana sonda jürıp qazaq tılı men ädet-ǧūryp, salt-dästürdı boiyna sıŋırdı» deidı Asylhan aqsaqal özınıŋ soǧys turaly tarihyn baiandap.
Al 94 jasar Mihail Kochetkov Batys äskerı qūramynda üşınşı Belorussiia jäne bırınşı Pribaltika maidanynda şaiqasqan. Jeŋıs künın ol Şyǧys Prussiiadaǧy Kenigsberg tübınde qarsy alypty.
«Soǧystyŋ bıtuın nemıs jerınde qarsy aldyq. Bızge «okoptan şyǧyŋdar, nemıster berıldı, soǧys bıttı» dep aitqany esımde qalypty. Ol kezde sengen de joqpyn. Bıraq okoptan şyǧa bastaǧanymyzda rasynda eşkım oq atpady. Bır-bırımızdı qūşaqtap qūttyqtai bastadyq» deidı maidanger.
Äset İsekeşev ardagerlerge syilyq tabys etıp, olardyŋ keleşek ūrpaq üşın jasaǧan erlıkterıne şeksız alǧysyn bıldırdı.
«Elımızge jeŋıs syilaǧandaryŋyz üşın sızderge köp raqmet. Sızder soǧys kezınde qanşama qiyndyqtardy, özderıŋızge qymbat adamdardy joǧaltu sätterın bastan ötkerdıŋızder. Jyl saiyn ardagerler azaiyp barady. Bıraq bız olardyŋ erlıgın eşqaşan ūmytpaimyz. Aramyzdaǧy ärbır batyrǧa alǧys aityp, olardy erekşe qūrmetteimız. Bızdıŋ mındet – sızderdı közımızdıŋ qaraşyǧyndai saqtap, erlıkterıŋızdı erteŋgı ūrpaqqa jetkızu. Sızderge jäne jaqyndaryŋyzǧa zor densaulyq tıleimın» dedı qala basşysy.
