Elorda äkımı Altai Kölgınov Ūly Otan soǧysy ardagerlerın Jeŋıstıŋ 77 jyldyǧymen qūttyqtady.
«Būl merekenıŋ tarihymyzdan alar orny erekşe. Batyr babalarymyzdyŋ janqiiarlyǧy men erlıgınıŋ arqasynda elımızde beibıtşılık pen tynyştyq saltanat qūrdy.
Ardagerlerımızdı Ūly Jeŋıstıŋ 77 jyldyq merekesımen qūttyqtadym. Vasilii Antonovich Serdiukov biyl 96 jasqa keledı. Soǧys uaqytynda Minsk, Varşava, Poznan sekıldı özge de qalalardy jau qolynan azat ettı. Soǧystan keiın temırjol stansiiasynda eŋbek ettı. Özınıŋ käsıbilıgınıŋ arqasynda basşylyq qyzmetterdı de atqardy jäne temırjol kölıgınıŋ damuyna ölşeusız üles qosty.
Yrzaǧūl Baikeşev biyl 99 jasqa tolady. Ǧasyr jasaǧan qariia soǧys zamanynda Polşa, Vengriia, Rumyniia elderın basqynşylardan bosatty. Soǧystan keiın Aqmola oblysyndaǧy auyldardyŋ bırınde ekspeditor bolyp qyzmet ettı.
Mihail Vasilevich Kalinin soǧystan keiın temır jol salasynda jūmys ıstedı, sol siiaqty qalanyŋ maŋyzdy nysandarynyŋ qūrylysyna, atap aitqanda, Tyŋ igeruşıler saraiy, bırınşı stadion, JEO, äuejai jäne basqa qūrylysqa atsalysty.
Ūly Otan soǧysynyŋ ärbır ardagerınıŋ, qatysuşysynyŋ qaiǧy men mūŋǧa da, quanyşqa da toly estelıkterı bar. Olardyŋ auyr, «soqtyqpaly, soqpasyz» ömır joly keiıngı ūrpaqqa qaşanda ülgı bolyp qalmaq. Batyrlarymyzǧa qamqorlyq körsetu, erlıkterın, esımderın ūlyqtap, qūrmet körsetu – bügıngı bızdıŋ basty paryzymyz.
Elordamyzda eskertkışterge gül şoqtaryn qoiu räsımı öttı. Qorǧanys ministrı Ruslan Jaqsylyqovpen bırge batyrlarymyzdy eske aldyq.
Ardagerler men tyl eŋbekkerlerıne ūzaq ǧūmyr, myqty densaulyq tıleimın! Jeŋıstıŋ 77 jyldyq merekesı qūtty bolsyn!» dedı elorda äkımı.
