Qalalyq №8 emhana bazasynda psihiatriialyq kömek körsetetın bastapqy ortalyq aşyldy. Elorda boiynşa mūndai ortalyqtar 7 myŋnan astam tūrǧyndarǧa kömek körsetıp keledı.
Endı konsultativtı keŋeske jügınu üşın qala tūrǧyndaryna qalalyq bas psihiatriia densaulyq ortalyǧyna barmai-aq, tūrǧylyqty mekenjaiy boiynşa jaqyn jerde ornalasqan emhanadan kömek ala alady.
Nūr-Sūltan qalasynyŋ Medisinalyq psihiatriia densaulyq ortalyǧynyŋ direktorynyŋ aituynşa, pandemiia kezınde är adamnyŋ psihikalyq jaǧdaiyn kütuı jäne oǧan köŋıl böluı öte maŋyzdy. «Bükıl älemde 10 qazanda psihikalyq densaulyq künı atap ötıledı. Adamnyŋ psihikalyq densaulyǧy degenımız öz äleuetın ıske asyra alatyn, strestı jeŋe alatyn äl-auqat jaǧdaiyn bıldıredı. Pandemiia kezınde köptegen adamdar qarapaiym ömırlık qiyndyqtarǧa tap bolyp, qiyndyqtardan şyǧudyŋ jolyn taba almady. Osyndaida bastapqy ortalyqtardyŋ kömegı kerek-aq» dedı medisinalyq psihiatriia densaulyq ortalyǧynyŋ direktory Olga Komarova.
Bügınde osyndai ortalyqtar qalalyq №2, №6, №9, №10 emhanalarda aşylǧan. Mamandandyrylǧan kömektı köpsalaly brigada, psihiatr, psihoterapevt, psiholog, äleumettık qyzmetkerler körsetedı.
Nūr-Sūltan qalasynda eresek tūrǧyndar arasyndaǧy auyr psihikalyq jäne mınez-qūlyq būzylystaryna şaldyqqandardyŋ sany 2019 jylǧy 306-dan 2020 jyldyŋ 9 aiyna säikes 192 jaǧdaiǧa deiın tömendedı.
