Memleket basşysy Nūrsūltan Nazarbaev Malaiziia Premer-Ministrı Nadjib Tun Razakpen kezdesıp, sauda-ekonomikalyq, investisiialyq, industriialyq-innovasiialyq jäne mädeni-gumanitarlyq salalardaǧy ekıjaqty yntymaqtastyq aiasyn keŋeitudıŋ negızgı baǧyttaryn talqylady dep habarlady Prezidenttıŋ baspasöz qyzmetı.
Sondai-aq, Nūrsūltan Nazarbaev pen Nadjib Tun Razak halyqaralyq kün tärtıbındegı özektı mäseleler jönınde pıkır almasty.
Qazaqstan Prezidentı Malaiziia Premer-Ministrıne saparmen kelgenı, sondai-aq Astana ekonomikalyq forumyna qatysyp, onyŋ deŋgeiın köteruge yqpal etkenı üşın alǧys aitty.
– Soŋǧy üş jylda bız üş ret kezdestık, būl elderımız arasyndaǧy qarym-qatynasty jandandyruǧa serpın beredı. Byltyr körsetkışterdıŋ 14%-ǧa artqanyna qaramastan, 130 million dollar tauar ainalymy kölemınıŋ jetkılıksız ekenın aitqan jön. Būl baǧytta bızde zor perspektiva bar. Elderımızdıŋ jäne jeke özımızdıŋ aramyzda qalyptasqan dostyq pen özara tüsınıstık qarym-qatynas Sızdıŋ saparyŋyzdy ekıjaqty yntymaqtastyq üşın paidaly bolady dep aituǧa mümkındık beredı, – dedı Memleket basşysy.
Öz kezegınde Nadjib Tun Razak Forumǧa qatysuǧa ǧana emes, resmi saparmen keluge de şaqyrǧany üşın Nūrsūltan Nazarbaevqa alǧysyn aitty.
– Maǧan Astana ekonomikalyq forumynyŋ aşylu räsımı ülken äser qaldyrdy. Oǧan osynşa köp adamnyŋ qatysuy şaranyŋ bedelı qanşalyq öskenın körsetedı. Osyndai Forum ötkızu arqyly özektı halyqaralyq mäselelerdıŋ talqylanuyna Sızdıŋ qosyp otyrǧan ülesıŋızdı atap aitqym keledı, – dedı Malaiziia Premer-Ministrı.
Nadjib Tun Razak bırqatar salalardaǧy yntymaqtastyqtyŋ deŋgeiı ösıp kele jatqanyn, ol būǧan deiıngı kezdesuler barysynda mejelengen uaǧdalastyqtardy jüzege asyruǧa oŋ yqpal etıp otyrǧanyn atap öttı. Sondai-aq, ol sauda-ekonomikalyq yntymaqtastyqty jandandyru üşın kölık-logistika salasyndaǧy mümkındıkterdı keŋeitudıŋ maŋyzdylyǧyna toqtaldy.
Malaiziia Premer-ministrı özara ıs-qimyldy memleketaralyq deŋgeimen qatar halyqaralyq qūrylymdar aiasynda da nyǧaitudyŋ män-maŋyzyna nazar audardy.
