Astana künı merekesıne orai biyl alǧaş ret elordada üzdık käsıpker, üzdık mesenat pen üzdık investor anyqtalyp, olardy Astana qalasynyŋ äkımı İmanǧali Tasmaǧambetov arnaiy marapattady.
– Käsıpkerlık – el ekonomikasynyŋ boiyna qan jügırtetın eŋ qajettı salanyŋ bırı. Onyŋ halyqtyŋ ömır süru sapasyn jaqsartuda maŋyzy ülken ekendıgın qoǧam da tolyqtai tüsındı. Qazırgı taŋda elordanyŋ ekonomikalyq ösımı jaman emes. Aitalyq, jalpy aimaqtyq önım kölemı byltyrǧy jylmen salystyrǧanda, soŋǧy bes aidyŋ ışınde 3,4 paiyzǧa östı. Negızgı kapitalǧa qūiylǧan investisiia 4 paiyzǧa ūlǧaidy. Elordada belsendı jūmys ıstep jatqan orta jäne şaǧyn biznes subektılerınıŋ sany 56 myŋnan asty. Al, soŋǧy bes aidyŋ ışınde biudjetke tüsken tüsımder byltyrǧymen salystyrǧanda 24 paiyzǧa artty. Būl – jaqsy körsetkış. Qala ekonomikasynyŋ qarqyndy damuyna sızderdıŋ de ülesterıŋız köp, qūrmettı käsıpkerler! – dedı qūttyqtau sözınde İmanǧali Nūrǧaliūly.
Aldynda ötken Käsıpkerler jiynynda Astananyŋ äleumettık-ekonomikalyq damuyna qomaqty üles qosqan käsıpker azamattar marapattalatyny aitylǧan bolǧan. Osy uädege sai, Astana qalasynyŋ äkımdıgı qalalyq Käsıpkerler palatasymen bırlesıp, özgege önege retınde üzdık käsıpkerlerdı marapattap otyrǧanyn aitqan qala basşysy olardyŋ şahar üşın jasaǧan jaqsylyǧyna jan-jaqty toqtalyp öttı.
Sonymen, biylǧy «Üzdık käsıpker» ataǧyna «ALIT» JŞS bas direktory Nūrlan Äljanqūlov ie boldy. «Būl kompaniianyŋ negızı 1992 jyly qalanǧan. ALİT – qūrylys materialdaryn öndıretın bırınşı otandyq kompaniia. Olardyŋ şyǧaratyn qūrylys materialdarynyŋ 95 paiyzy – otandyq önım. Astanadaǧy barlyq qūrylys ūiymdarymen jūmys ısteitın kompaniia önımderın älemdık standartqa sai sapaly jasauǧa, san türlendıruge baryn salyp keledı» dedı qala äkımı.
Al, «Üzdık mesenat» bolyp, «Bi group» holdingınıŋ prezidentı Aidyn Rahymbaev tanyldy. Qūrylys salasynda köşbasşy kompaniia retınde jaqsy tanys ırı investisiialyq holding ūjymy biznestıŋ äleumettık jauapkerşılıgın jaqsy sezınetının elorda äkımı erekşe atap öttı. Olar 2004 jyly «Jūldyzai» korporativtık qaiyrymdylyq qoryn qūryp, mümkındıgı şekteulı balalarǧa barynşa qolǧabys etıp keledı. Osy «Jūldyzaidan» qanattanyp ūşqan talai ören densaulyǧyna qaramastan halyqaralyq baiqaularda top jaryp jür. Astanadaǧy Balalar üilerıne, mügedek balalar ortalyqtaryna demeuşı boludan tanbai kele jatqan kompaniia jyl saiyn 250 jetkınşektı respublikalyq sauyqtyru ortalyqtaryna jıberudı jauapkerşılıgıne alǧan. Mıne, osyndai jomarttyǧymen atalmyş kompaniia basşysy «Üzdık mesenat» atanyp otyr.
«Üzdık investor» atalymynda «Jannūr-Astana» JŞS kompaniia tobynyŋ prezidentı Bolat Sadyq jeŋımpaz boldy. Būl özı san-salaly 25 kompaniiany bırıktırgen serıktestık. Onyŋ ışınde sauda üilerı de, supermarketterı de, kölıktık-logistikalyq qyzmetı de, küzet-zaŋgerlık qyzmetı de bar. Tıptı, kulinarlyq-konditerlık önımder şyǧarumen de ainalysyp, kommersiialyq tūrǧyn üilerdı de salyp jatyr. «Jannūr-Astana» bügınde «Han auyly» atty meiramhanasy bar, kölemı 45 myŋ şarşy metrlık alyp keşendı saluǧa investisiia qūidy. Sondai-aq, «Myŋjyldyq alleiasy» men Seifullin köşesı boiyndaǧy köp qabatty tūrǧyn üi keşenderı osy kompaniianyŋ qarjysymen salynuda.
Olar Astanadaǧy ǧana emes, küllı Qazaqstandaǧy köptegen jobalarǧa investisiia qūiyp keledı. Osyndai investisiialyq erekşelıgımen «Jannūr-Astana» üzdıkterdıŋ qatarynan körınıp otyr.
Jalpy baiqau ekı kezeŋ boiynşa ötıptı. Alǧaşqy ötınımderdı qabyldau kezeŋı 5 mausym men 25 mau-sym aralyǧynda jürgızılgen. Keiın 5 şıldege deiın ırıkteu kezeŋı ötkızılıp, jeŋımpazdar anyqtalǧan.
Qymbat TOQTAMŪRAT
