Keşe Astanada «Mäŋgılık el – bolaşaǧy bırtūtas el» atty respublikalyq patriottar forumy öttı.
Patriottar forumyna elımızdıŋ barlyq aimaqtarynan ekı myŋnan asa delegat qatysty. Olardyŋ qatarynda qoǧam qairatkerlerı, mūǧalımder, därıgerler, äskeriler, ǧalymdar, önerkäsıp jūmysşylary, memlekettık qyzmetkerler, deputattar, sportşylar men öner maitalmandary boldy.
Forumǧa qatysuşylarǧa Elbasy Nūrsūltan Nazarbaev qūttyqtau joldady. Memleket basşysynyŋ qūttyqtau hatyn QR Prezidentı Äkımşılıgı basşysynyŋ orynbasary Baǧlan Mailybaev oqyp berdı. «Bügıngı forum erekşe. Ol Konstitusiiamyz ben Qazaqstan halqy Assambleiasyna 20 jyl tolǧan mereilı jylda ötedı. Būl – halqymyzdyŋ bırlıgı men kelısımınıŋ bıregei dästürıne, tuǧan jer men elge degen erekşe süiıspenşılıktıŋ arqasynda oryn alǧan tılekterı. Forum qazaqstandyqtardy «Mäŋgılık el» ideiasyna ūiystyruǧa jäne qoǧamnyŋ tūraqtylyǧy men bırlıgın nyǧaituǧa qyzmet etetındıgıne senemın. Forum qatysuşylaryna jäne barşa qazaqstandyqtarǧa zor densaulyq, jaŋa tabystar tıleimın» delıngen Prezidenttıŋ qūttyqtau hatynda.
Forum jiynyn jürgızgen Qazaqstan halqy Assambleiasy Töraǧasynyŋ orynbasary Eraly Toǧjanov 2007 jyldan berı ötıp kele jatqan patriottar forumy biyl Memleket basşysy Nūrsūltan Nazarbaevtyŋ «Mäŋgılık el» jalpyūlttyq ideiasyna arnalǧanyn atap öttı. Forum barysynda Elbasynyŋ «Ūlt jospary – 100 naqty qadam» atty bes institusionaldyq reformasynyŋ aiasynda ıske asyrylatyn «Ülken el – ülken otbasy» jalpyūlttyq jobasy qaralyp, osy baǧytta qatysuşylar tarapynan ornyqty pıkırler ortaǧa salynyp, ūsynys-tılekter aityldy.
Forum jiynyn jürgızgen Qazaqstan halqy Assambleiasy Töraǧasynyŋ orynbasary Eraly Toǧjanov 2007 jyldan berı ötıp kele jatqan patriottar forumy biyl Memleket basşysy Nūrsūltan Nazarbaevtyŋ «Mäŋgılık el» jalpyūlttyq ideiasyna arnalǧanyn atap öttı. Forum barysynda Elbasynyŋ «Ūlt jospary – 100 naqty qadam» atty bes institusionaldyq reformasynyŋ aiasynda ıske asyrylatyn «Ülken el – ülken otbasy» jalpyūlttyq jobasy qaralyp, osy baǧytta qatysuşylar tarapynan ornyqty pıkırler ortaǧa salynyp, ūsynys-tılekter aityldy. Osy oraida qoǧam jäne memleket qairatkerı, Mäjılıs deputaty Quanyş Sūltanov saliqaly söz söiledı. Elımızdıŋ damu jolyndaǧy jetıstıkterdı aita kele halyq qalaulysy Elbasy Nūrsūltan Nazarbaevtyŋ BŪŪ-nyŋ mereitoilyq sessiiasynda biık mınberden bükıl älemdık maŋyzdy mäselenı ortaǧa salǧanyn, sonymen qatar alqaly jiynda qazaq tılınde söilep, ūlttyq märtebemızdı törtkül düniege tanytqanyn airyqşa atap öttı.
Forumda söz alǧan ǧaryşker Aidyn Aiymbetov qazaqstandyq jastardy tuǧan eldıŋ patrioty boluǧa ündedı. «Men barşa jastarymyzdy öz elınıŋ patriottarynyŋ aldyŋǧy qatarynda boluǧa şaqyramyn. Otanymyzdyŋ güldenuıne üles qosuymyz brşamyzdyŋ ortaq mındetımız. Qazaqstan tuy aldaǧy uaqytta da ǧaryşqa köterılıp, qūrmet tūǧyrlarynda jelbırei beretınıne senımdımın. Qazaq elı mäŋgılık jasasyn!» dedı ǧaryşta Qazaq handyǧynyŋ 550 jyldyǧyna jäne Qazaqstan halqy Assambleiasynyŋ 20 jyldyǧyna arnalǧan simvoldar men elımızdıŋ memlekettık tuyn jelbıretıp kelgen A.Aiymbetov. Forum mınberınen söilegen jauynger-internasionalist, Mäjılıs deputaty Baqytbek Smaǧūl, «Miloserdie» qaiyrymdylyq qorynyŋ jetekşısı Arujan Sain jäne basqalary bırlık pen berekenı ūran etken eldıgımızdı maqtan ettı.
Forum aiasynda «Jyl patrioty» baiqauynyŋ qorytyndysy şyǧaryldy. Otanǧa degen süiıspenşılıgın kündelıktı eŋbegımen, sonymen qatar qajet bolǧanda ömırın pida etuge äzır bolǧan azamattar jetı atalym boiynşa marapatqa ie boldy.
Elbasynyŋ «Mäŋgılık el» ideiasy özegıne ainalǧan patriottar forumy qatysuşylar men barşa qazaqstandyqtardyŋ nūrly keleşekke degen senımıne serpın bergendei boldy.
Ǧalym QOJABEKOV
