Esıl audanynyŋ aktivı Memleket basşysynyŋ halyqqa Joldauynyŋ negızgı baǧyttaryn talqylady.
Jiynǧa audan äkımı Tölegen Zakarianov pen Astana qalalyq mäslihat deputattary, audan qūrylymdarynyŋ basşylary, audandyq Ardagerler ūiymynyŋ aktivı, sondai-aq, bılım beru, densaulyq saqtau, mädeniet, sport mekemelerınıŋ jäne qūrylys kompaniialary ökılderı qatysty.
Prezident öz Joldauynda halyq tabysynyŋ ösuı, tūrmys sapasyn arttyru, ömır süruge jaily orta qalyptastyru, azamattar sūranysyna beiımdelgen memlekettık apparat, tiımdı syrtqy saiasat, ärbır qazaqstandyqtyŋ elımızdegı özgerıster üderısterıne atsalysuy turaly negızgı 6 baǧytty aitqan bolatyn.
Jiyn barysynda söz alǧan Jūmyspen qamtu jäne äleumettık qorǧau basqarmasynyŋ basşysy Ermek Ospanov, №2 köpsalaly auruhana bas därıgerınıŋ orynbasary Gülmira Maǧzūmova jäne QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı Astana qalasy boiynşa departament basşysy, Ädep jönındegı keŋes töraiymy Jazira Jylqyşieva syndy spikerler tūrǧyndardy jūmyspen qamtu, sapaly jäne qoljetımdı tūrǧyn üimen qamtamasyz etu, bılım beru jäne densaulyq saqtau salalaryn damytu, tūrǧyn üi qoryn tiımdı basqaru, memlekettık apparatty jaŋǧyrtu jäne sybailas jemqorlyqqa qarsy küres siiaqty mäselelerdı qozǧady.
