«Astana äkımı Ädılbek Jaqsybekovtıŋ töraǧalyǧymen ötken kezektı apparat otyrysynda qalada sanitarlyq erejelerdı qamtamasyz etu jäne qoǧamdyq tamaqtanu salasyna qoiylatyn talaptar men bölşek sauda mäselelerı talqylandy» dep habarlaidy qala äkımınıŋ baspasöz qyzmetı.
Äkım tūrǧyndarǧa qyzmet körsetetın mekemeler barlyq sanitarlyq-epidemiologiialyq şarttarǧa sai tekseruden ötulerı kerek ekenın eskerttı.
– Keibır mekemelerde öndırıs mäselesıne, tehnikalyq qyzmetkerlerdıŋ jūmysyna jıtı köŋıl bölınbeidı. Sondyqtan, barlyq tiıstı qyzmetter, sonyŋ ışınde Tūtynuşylar qūqyn qorǧau departamentı, Densaulyq saqtau basqarmasy būl mäselege jıtı baqylau ornatulary qajet, – dedı äkım.
Qalalyq qyzmetterdıŋ jūmysy turaly aita kelıp, elorda basşysy Astanada ötetın «EKSPO-2017» halyqaralyq körmesıne orai barlyq tapsyrmalardyŋ uaqytynda oryndaluy, 2016 jyl auqymdy şaraǧa daiyndyqtyŋ qorytyndy jyly ekenın, sondyqtan, sol uaqytqa deiın barlyq maqsattar dıttegen mejege jetuı kerektıgın atap körsettı.
– Bügın josparlarymyzdy qaita qarap, atqarylǧan ıster men alda jüzege asyrylatyn şarualardy saraptau qajet. Künen-künge körkeiıp älem nazaryn audarǧan Astananyŋ odan ärı damyp, örkendeuın körıp, sezınulerı üşın tūrǧyndardyŋ äl-auqaty men tūrmys-tırşılıkterın jaqsartu joldaryn aiqyndauymyz kerek. Sondyqtan, bızdıŋ maqsatymyz – barlyq ıstelgen jūmystardy odan ärı jetıldıre tüsu, köşelerdı abattandyru, tazalau, halyqqa qyzmet körsetu türlerınıŋ jaŋa mümkındıkterın ızdeu, özara bäsekelestık jaǧdaiynda memlekettık-jeke menşık serıktestıktı damytu, būl üderıske biznes qūrylymdardy tartu, – dep qorytyndylady sözın äkım.
