MAQTANYŞYMYZ – SERIKBOLSYN
Oquda ozyq, bılımge qūştar örenderdıŋ bırı – elordalyq Serıkbolsyn Meiram.
Ol – matematikaǧa öte jüirık. Osynau ǧylymǧa degen qyzyǧuşylyǧy da bölek. Serıkbolsyn jalpy bılım beretın pänder boiynşa respublikalyq olimpiadanyŋ kezeŋderıne jyl saiyn üzdıksız qatysyp, joǧary nätije körsetıp, jüldelı oryndardy ielenıp keledı. Sonymen qatar, «Pifagor», «Jas maman», «V.A.Lidı eske alu», «Aimaqtyq jas matematikter turnirı», Ö.M.Sūltanǧazin, «Geometriialyq şeberhana», Äl-Farabi olimpiadalarynda matematikalyq esepke jüirık oquşy öz bılımın bırneşe dürkın jüldelı oryndar ielenu arqyly däleldei bıldı.
S.Meiram byltyrǧy oqu jylynan bastap, halyqaralyq deŋgeidegı jarystarǧa qatysyp jür. Būl saiystarda da ol top jaryp, elımızdıŋ abyroiyn asqaqtatumen keledı. Älbette, daryndy örennıŋ talantyn ūştap, qoldau körsetken Sartqoja Baiǧan, Terdıkbai Küşai atty bılıktı pedagogtardyŋ eŋbegın de atap ötken jön.
Byltyrǧy oqu jylynda Serıkbolsyn Q.Sätbaev atyndaǧy halyqaralyq olimpiadasynda III oryn ielense, 17 memleket qatysqan Halyqaralyq Ö.Jäutıkov atyndaǧy olimpidada qola medaldıŋ iegerı atandy. Biylǧy oqu jylynda Mäskeude ötken Halyqaralyq MİSiS olimpiadasynyŋ altyn medalın jeŋıp alǧan daryndy oquşy qazan aiynda 31 memleket qatysqan İranda ötken Halyqaralyq geometriia olimpiadasynda kümıs medaldı (2 oryn) qanjyǧasyna bailady.
İä, ortamyzda jürgen qarapaiym oquşy erteŋgı künı elımızdıŋ matematika ǧylymyna üles qosatyn ülken azamat bolyp şyǧatynyna senımımız kämıl. Jas darynnyŋ bügınge deiın öz qarym-qabıletımen jetken tolaǧai tabysyna – bız kuämız. Endeşe, Serıkbolsynǧa «Zerde» mektebınıŋ ūjymy, ata-analary men oquşylary atynan älı de biık şyŋdardy baǧyndyra beruıne tılektestık bıldıremız.
E.ÄUBÄKIROVA,
Astana qalasy Daryndy balalarǧa
arnalǧan №9 «Zerde» mektebı
direktorynyŋ orynbasary