Elordadaǧy L.Gumilev atyndaǧy Euraziia ūlttyq universitetınıŋ jurnalistika fakultetıne biyl tüsken tülekter «Elorda Aqparat» JŞS qarasty respublikalyq qoǧamdyq-saiasi «Astana aqşamy» gazetınıŋ ūjymymen kezdesıp, taǧylymǧa toly äŋgıme örbıttı.
Şarany atalǧan oqu ordasynyŋ jurnalistika jäne saiasattanu fakultetınıŋ dekany, belgılı ǧalym Qairat Saq jürgızıp otyrdy. Jüzdesu formaty sūhbat türınde örbıdı. Täjıribelı jurnalister men bolaşaq jurnalister erkın oi bölısıp, pıkır alysty. Bügıngı märtebelı mamandyqtyŋ uaqyt talabyna sai özgerıp jatqan damu ürdısıne toqtaldy.
Aldymen söz tızgını «Elorda Aqparat» JŞS direktory Qaisar Jūmabaiūlyna tidı. Ol jetekşılık jasap otyrǧan ūjymnyŋ qyzmetıne toqtaldy.
– Bızdıŋ serıktestık ötken jyldyŋ aiaǧynda qūrylyp, oǧan «Astana aqşamy» men «Vecherniaia Astana» atty ekı gazettı qosyp, aldaǧy taŋda jaqsy bır media resursqa ainalu üşın qazır saitty qolǧa alyp jatyrmyz. Odan bölek, elorda.info degen sait jūmysyn bastady. Aldymyzda älı jüzege asyrsaq deitın josparlarymyz bar. Ony kezı kelgende sızderge aitamyz. Osyndai şara ūiymdastyrǧan jurnalistika fakultetınıŋ ūjymyna alǧysymdy bıldıremın, – dedı ol.
Bügınde bas qaladaǧy aty köpke tanylǧan universitettıŋ jurnalistika fakultetınde 600-ge juyq jas oqidy. Onda bılım alyp jatqan studentter esımderı elge belgılı Namazaly Omaşūly, Ǧadılbek Şalahmetov, Rabiǧa Amanjolova, Oŋaigül Tūrjan sekıldı ūlaǧatty ūstazdardan tälım alady. Biyl 1-kursqa 200-ge tarta student qabyldanǧan. Olardyŋ ışınde 27 tülek orta mekteptı «Altyn belgımen» bıtırgen.
«Bızdıŋ fakultetımız universitettegı eŋ jas sanalady. Soǧan qaramastan, jurnalistika mamandyǧynyŋ bäsı joǧary. Bırınşıden, osynda myqty kadrlar şoǧyry qalyptasty. Ekınşıden, respublikanyŋ barlyq aimaǧynan kelgen talantty jastar jinalǧan. Byltyr bızge bölıngen grant sany 90 bolsa, biyl ol 75-ke tüstı. Sonyŋ äserınen konkurs küşeidı. Az grantty ūtyp alu üzdıkterge ǧana būiyrady. Materialdyq bazamyz da myǧym. Ekı telestudiia jūmys ısteidı. Mūndai jüzdesulerdıŋ bererı köp. Bız osylai östık. Adamǧa oi salady, şyǧarmaşylyq täjıribe jinaqtaidy» dedı fakultet dekany.
«Astana aqşamy» gazetınıŋ bas redaktory Erkın Qydyr basylym tarihy men qoǧamnyŋ dertın tap basatyn mamandyqtyŋ qyr-syryn jastarǧa äŋgımelep berdı.
– Bızdıŋ gazettıŋ jasy salystyrmaly türde alǧanda onşa köp emes. Aldaǧy ekı-üş jylda basylymǧa otyz jyl tolady. «Aqmola aqiqaty» dep alǧaş tūsauyn kesken gazet qala bas şaharǧa ainalǧannan keiın «Astana aqşamy» atyn ielendı. Men de sızder sekıldı jurnalistika fakultetın bıtırgenmın. Keşegı nömırde Qazaq ūlttyq öner universitetınıŋ 1-kurs studentı Eŋlık Egeubaevanyŋ änşı Qairat Nūrtas qarjylandyrǧan «Arman» atty filmı turaly syn maqalasy jaryq kördı. Sony bız ädeiı berdık. Kino jaiynda aitqan jastyŋ öz pıkırı. Bız de osy mektepten öttık. Jurnalistika mamandyǧyn qalaǧannan keiın sızder aldaǧy ömır joldaryŋyzdy taŋdap tūrsyzdar. Onyŋ bärı 1-kurstan bastau alady. Ülken ömırdıŋ alǧaşqy qadamy sodan körınedı. Bız topty orys-qazaǧy bar elu şaqty bala bıtırdık. Sol bırınşı kursta redaktor bolamyn dep talpynǧandardyŋ köpşılıgı bılıktı redaktor boldy. Sondyqtan aldaryŋyzǧa ülken maqsat qoisaŋyzdar, alynbaityn qamal joq. Eŋ aldymen jurnalist oilana bılu kerek, taqyryp taba bılu kerek, jaza bılu kerek. Jaqsy jurnalist gazette de, teledidarda da, saitta da jaqsy körınedı. Özınıŋ oiy men aitary bar adam eşqaşan jerde qalmaidy. Alǧaşqy ırgetas jazudan qalanady. Kımnıŋ jazuy jaqsy, sonyŋ şyǧatyn biıgı de joǧary, – dedı bas redaktor.
Gazet şoluşysy Gülmira Aimaǧanbet te basylymǧa täjıribeden ötuge keletın studentter men keiıngı kezderı jüzege asyp jatqan basylymdaǧy ırgelı özgerıster turaly aitty. Gazetke jazylu turaly da söz qozǧaldy. Mäselen, kafedra meŋgeruşısı A.Esdäuletov jataqhanadaǧy bır bölmede tūratyn 3-4 bala bırıgıp, basylymǧa jazyludy qolǧa aluǧa bolady degen oi tastady.
Qysqasy, kezdesu barysynda studentter bügıngı jurnalisterdı tolǧandyratyn türlı taqyrypta sūraqtar qoiyp, özderın mazalaǧan mäselelerge kelgen qonaqtardan tiianaqty jauap aldy.
Azamat ESENJOL
