Köktem kelıp, kün jylynysymen qalada masa qaptaityny belgılı. Nūr-Sūltan qalasynyŋ Qorşaǧan ortany qorǧau jäne tabiǧatty paidalanu basqarmasy olardyŋ sanyn azaitu maqsatynda jyl saiyn masalardy ulau jūmystaryn jürgızedı. Osyǧan orai elordada dezinseksiialyq şaralar bastaldy.
Qala tūrǧyndary ötkızıletın ıs-şaralar turaly aqparatty eKnot qosymşasy arqyly ala alady. Būl rette aldymen biologtar, entomologtar su aidyndarynda dernäsılderdıŋ boluyn tekseredı, eger tabylyp jatsa, olar masalardyŋ jappai köbeiuın boldyrmau üşın rotorly bürıkkışterdıŋ kömegımen nemese dezqūrylǧysy bar arnaiy maşinalarmen öŋdeledı. Osydan keiın baryp öŋdeu jūmysy qalanyŋ ışkı kvartaldarynda jalǧasady.
Nūr-Sūltan qalasynyŋ Qorşaǧan ortany qorǧau jäne tabiǧatty paidalanu basqarma basşysynyŋ orynbasary Janar Eluanqyzynyŋ aituynşa, atalmyş basqarma «Astanalyq dezinfeksiia» JŞS-men bırlesıp, osymen üşınşı mausym qatarynan qaladaǧy masalardy joiu jūmystaryn jürgızude.
– Būl şara qala aumaǧyndaǧy masalardyŋ sanyn azaituǧa baǧyttalǧan. Dezinseksiialyq jūmystardy jürgızuge jyl saiyn 150 adam jūmyldyrylyp, olar arnaiy rotorlarmen jaraqtandyrylady. Sondai-aq su aidyndarynda da, qalanyŋ ışkı kvartaldyq aumaqtarynda da öŋdeu jūmystaryn jürgızetın arnaiy tehnika ıske qosylady. Qyzmetkerler tolyǧymen nūsqaulyqtan jäne käsıbi daiarlyqtan öttı. Dezinseksiialyq jūmystar kezınde paidalanylatyn preparattar qoldanuǧa rūqsat etılgen tızılımge engızılgen jäne sanitarlyq-epidemiialogiialyq stansiia qyzmetkerlerımen kelısılgen, – dedı J.Beskempırova.
Qalada ıs-şaralar tüngı uaqytta saǧat 21.00-den taŋǧy 04.00-ge deiın 6 tur boiy, ortalyqtan bastap, basqa öŋırlerden masalardyŋ jappai köşuın boldyrmas üşın eldı mekenderdıŋ şekarasynan tys jerlerge ötkızıledı. Dezinseksiialyq şaralar kezınde saqtyq şaralaryn saqtau kerek, onyŋ ışınde öŋdelgen jerlerge barmau jäne öŋdeu kezınde terezelerdı jabu aldyn ala eskertıledı.
Mamandardyŋ mälımdeuınşe, dezinseksiialyq jūmystar üşın qūramynda hlorpirifos jäne malation äser etuşı zaty bar adamdar men januarlarǧa qauıptılıgı az preparattar qoldanylady. Tūrǧyndar jürgızılıp jatqan jūmystar turaly eKnot (TKŞ mäselelerı boiynşa) mobildı qosymşasy arqyly habardar etıletın bolady, onyŋ kömegımen tūrǧyndar men menşık ielerı bırlestıkterınıŋ töraǧalary öz üiınıŋ aumaǧyndaǧy masalarǧa qarsy dezinseksiia qaşan jürgızıletını turaly mekenjai boiynşa habarlandyru alady. Mekenjai habarlamalaryn alu üşın eKnot qosymşasyna tırkelıp, üiınıŋ mekenjaiyn körsetu kerek. Sondai-aq mūnda basqa da aqparat, jadynamalar, infografika, dezinseksiia boiynşa jedel jelı telefondary körsetıledı.
Gülbarşyn ÖKEŞQYZY
