Mäskeude ötken XIII halyqaralyq «Zolotoi vitiaz» atty teatr forumynan Q. Quanyşbaev atyndaǧy memlekettık akademiialyq Qazaq muzykalyq drama teatry jeŋıspen oraldy. Teatrdyŋ körkemdık jetekşısı Talǧat Temenov sahnalaǧan V. Ejovtyŋ «Tyraulap ūşqan tyrnalar» atty lirikalyq dramasy Gran-pri jüldesıne ie boldy. Keşe elordalyq önersüier qauym jeŋımpazdardy äuejaidan kütıp aldy.
Forumǧa Resei, Qazaqstan, Bolgariia, Gruziia memleketterınen 24 teatr qatysty. Olardyŋ barlyǧynan at ozdyrǧan qallekilıkter Mäskeudıŋ «Ai teatry» sahnasynda öner körsettı. Reseilık körermen qazaqstandyq teatrdyŋ önerıne täntı boldy. Qoiylymda aitylatyn «Temnaia noch», «V zemlianke» atty maidan änderın ärtıstermen bırge şyrqady. Lirikalyq dramanyŋ bas keiıpkerlerı – qazaq soldaty Pernebek Boranbaev pen nemıs qyzy İnganyŋ rölın somdaǧan teatrdyŋ jas akterlerı Äbılmansūr Serıkov jäne Aqmaral Tanabaeva, sondai-aq, polkovnik Lukianovty oinaǧan Qazaqstannyŋ halyq ärtısı Tılektes Meiramov forumnyŋ diplomanttary atandy.
Reseidıŋ bedeldı teatr synşysy, «Teatralnaia jizn» jurnalynyŋ bas redaktory Oleg Pivovarov osy qoiylymda rejisser qyzyqtyratyn sahnalyq şeşımder ūsynǧanyn, ärtısterdıŋ akterlık jäne änşılık şeberlıgın atap öttı.
Halyqaralyq teatr forumynyŋ prezidentı, RF Mädeniet ministrlıgı janyndaǧy töralqa müşesı, belgılı ärtıs, rejisser Nikolai Burliaev Qazaqstan Prezidentı Nūrsūltan Nazarbaevtyŋ Qazaqstan men Resei arasyndaǧy ärıptestıktıŋ damuyna jäne mädeni-gumanitarlyq bailanysqa erekşe üles qosqanyn aityp, astanalyq öner ūjymynyŋ käsıbi şeberlıgıne toqtaldy.
Aituly biıkke qol jetkızgen qallekilıkter bolsa, būl – tūtastai alǧanda qazaq teatrynyŋ jeŋısı dep otyr. Jeŋıs qūtty bolsyn deimız!
