MÄSLİHATTYŊ MEREITOIYNA ARNALDY
Astana äkımı Ädılbek Jaqsybekovtyŋ qatysuymen Qazaqstan Respublikasy mäslihattarynyŋ qūrylǧanyna 20 jyl toluyna orai ūiymdastyrylǧan saltanatty jiyn öttı.
Jiyndy Astana qalalyq mäslihatynyŋ hatşysy Sansyzbai Esılov jürgızse, alǧaşqy sözdı qala äkımı aldy. Ädılbek Jaqsybekov öz sözınde qalalyq mäslihattyŋ qyzmetı men şeşımderı är astanalyqqa qatysty ekenın aita kelıp, jergılıktı zaŋ şyǧaruşy organ retınde mäslihattyŋ memlekettık saiasatty jüzege asyruda erekşe ülesı bar ekenın jetkızdı. Sondai-aq, mäslihat sessiialarynda elordany damytuǧa qatysty eŋ özektı mäseleler boiynşa şeşımder qabyldanǧanyna toqtaldy.
Būǧan qosa, Ädılbek Jaqsybekov mereilı datalardyŋ säikestıgıne de nazar audardy. Tura 20 jyl būryn Memleket basşysy Nūrsūltan Äbışūly Nazarbaev memleket astanasyn Aqmola qalasyna, bügınde barşa elge süiıktı Astanaǧa auystyru turaly şeşımın jariialaǧan bolatyn.
«Sol 1994 jyly äleumettık-ekonomikalyq talaptar jaŋa közqarasty, barşa basqaruşylyq jüienı qaita qūrudy, naryqtyq ekonomika zaŋdylyqtaryna negızdelgen ömır süru tärtıpterın engızudı talap etken bolatyn. Sondai tarihi maŋyzdy kezeŋde qalalyq mäslihat deputattary elordanyŋ qalyptasuyna zor ülesın qosty» dedı äkım.
Jiyn barysynda elorda basşysy Qazaqstan Respublikasynyŋ äleumettık-ekonomikalyq damuyna jäne jergılıktı özın-özı basqarudy qalyptastyruǧa qosqan ülesı üşın bırneşe deputatty medaldarmen jäne qūrmet qaǧazdarymen marapattady.
Elordanyŋ jergılıktı ökıldık organy – Astana qalasy mäslihatynyŋ hatşysy Sansyzbai Esılov te barlyq deputattar aldynda Memleket Basşysy körsetken «Qazaqstan-2020» strategiiasy jäne Elbasynyŋ «Nūrly jol – bolaşaqqa bastar jol» atty Joldauyndaǧy baǧdarlamalardy ıske asyru jönınde asa maŋyzdy mındetter tūrǧanyn tılge tiek ettı.
«Bolaşaqqa ūmtylǧan jaŋa Qazaqstannyŋ alǧaşqy qadamdary retınde 1993 jyly Konstitusiia men «Jergılıktı ökılettık jäne atqaruşy organdary turaly» zaŋnyŋ qabyldanuyn aituǧa bolady. Atalǧan Zaŋnyŋ qabyldanuynan bastap Qazaqstannyŋ ökılettık organdary öz tarihyn künı bügıngı deiın maŋdai terımen jazyp keledı. Sonymen qatar, 1994 jyly jergılıktı ökıldık organdary, mäslihattarǧa alǧaşqy deputat sailaulary ötken bolatyn. Al 1994 jyly 1 säuırde Aqmola qalalyq mäslihatynyŋ bırınşı sessiiasy öttı dedı mäslihat hatşysy.
Nūrislam QŪSPANǦALİ