Karantindık şekteu şaralarynyŋ kezeŋ-kezeŋımen jeŋıldeuıne bailanysty azamattarǧa keibır medisinalyq qyzmetter qaşyqtan körsetıledı. Osyǧan orai Äleumettık medisinalyq saqtandyru qorynyŋ elorda boiynşa filialy qala tūrǧyndaryna sol qyzmetterdı emhanaǧa kelmei-aq qalai aluǧa bolatynyn tüsındırdı.
Būryn qaşyqtan keŋes beru tek sozylmaly aurulary bar nauqastardy dinamikalyq baqylau kezınde qoldanylatyn. Al biyl 17 şıldeden bastap küşıne engen «Halyq densaulyǧy jäne densaulyq saqtau jüiesı turaly» kodekstıŋ 129-babyna säikes qaşyqtan medisinalyq qyzmet körsetudıŋ jaŋa erekşelıkterı qarastyryldy. Osylaişa endı salalyq mamandardyŋ keŋesterı, telemedisina arqyly konsultasiialar, sondai-aq rentgen tüsırılımın qaita oqytu, elektrokardiogramma taŋbalaryn tüsındıru qyzmetterı endı qaşyqtan qabyldau kezınde de qoljetımdı boldy. Būl zamanaui tehnologiialar men türlı bailanys arnalarynyŋ arqasynda mümkın bolyp otyr. Aldaǧy uaqytta qaşyqtan körsetıletın qyzmetter tızımı keŋeitılmek.
ONLAIN-KEŊES QALAI BERILEDI?
Aldymen öz emhanaŋyzdyŋ Call-ortalyǧy nemese basqa bailanys arnalary, mobildık qosymşalar arqyly därıgerdıŋ keŋesıne jazylu kerek. Sosyn keŋes beru künı men uaqytyn taŋdap, salalyq mamannyŋ qabyldauyna jazylu üşın uchaskelık därıgerden joldama alu qajet. Ol üşın özıŋızdıŋ terapevt/jalpy praktika därıgerınıŋ qabyldauyna ötınım jıberesız. Odan ärı taŋdalǧan bailanys arnasy arqyly mamannyŋ belgılengen uaqytta qoŋyrauyn kütıŋız.
– Därıgerden keŋes alu üşın emhanaǧa barudyŋ qajetı joq. Därıger keŋesı nauqas qai jerde bolmasyn, qaşyqtan qoljetımdı. Sonymen qatar därıger därı-därmekterge resept jazyp bere alady. Syrqattama paraqşalaryn, zerthanalyq zertteulerdıŋ, tekserulerdıŋ nätijelerın de aityp beredı. Syrqattar men jaraqattardy diagnostikalau, emdeu, medisinalyq oŋaltu jäne aldyn alu, zertteuler men baǧalau üşın medisinalyq qyzmetter sandyq tehnologiialar arqyly qaşyqtan ūsynylady. Iаǧni, osy qyzmetterdı alu üşın emhanaǧa keludıŋ qajetı joq» deidı «ÄMSQ» KEAQ Nūr-Sūltan qalasy boiynşa filialy direktorynyŋ orynbasary Ainagül Däuletşina.
Uchaskelık därıgerdıŋ qaşyqtan keŋes beruı alǧaşqy medisinalyq-sanitarlyq kömek beretın medisinalyq ūiymdardyŋ, iaǧni, emhanalardyŋ jan basyna şaqqandaǧy normativ tölemı şeŋberınde TMKKK tızbesıne enedı. Al salalyq mamandardyŋ konsultasiialary men naqty körsetılgen qyzmetterı, iaǧni TMKKK boiynşa qyzmet körsetıletın sozylmaly, äleumettık mänı bar jäne infeksiialyq aurulardan basqasy MÄMS paketıne kıredı. Qandai da bır sūraqtar tuyndaǧan jaǧdaida azamattar Medisinalyq saqtandyru qorynyŋ Qoldau 24/7 mobildık qosymşasy arqyly kömekke jügıne alady.
