1 şıldeden bastap ärbır qazaqstandyq mındettı medisinalyq saqtandyru jüiesıne qatysady. Äleumettık medisinalyq saqtandyru qoryna jarnalardy alǧaşqy bolyp jūmys beruşıler men jeke käsıpkerler audarady.
Medisina salasynyŋ sapasyn jaqsartuǧa jaŋa serpın beretın äleumettık baǧdarlamany tüsındıru jūmystary qarqyndy jürıp keledı. Osyndai şaralardyŋ bırı Nazarbaev universitetınıŋ Medisina mektebınde bolyp öttı. Şaraǧa qalalyq Densaulyq saqtau basqarmasy men «Nūr Otan» partiiasy mūryndyq boldy. Oǧan elordada ornalasqan ırı 76 medisinalyq mekemenıŋ basşylary qatysty. Sūraǧy köp, jauaby joq mäseleler köptep talqylandy.
Jiynǧa qatysqan Mındettı äleumettık medisinalyq saqtandyru qorynyŋ medisinalyq qyzmetterdı josparlau departamentınıŋ direktory Aigül İmaşeva jäne sol qordyŋ qarjylandyru boiynşa basqaruşy direktory Gülnär Älımǧazieva därıgerlerdı qyzyqtyrǧan sūraqtarǧa jauap berdı. Därıgerler medisinalyq saqtandyru kezınde memlekettık qoldauǧa kımder ie bolatynyn aiqyndap alǧysy keldı. «Balalar, jūmyssyz bolyp tırkelgen adamdar, jūmys ıstemeitın jüktı äielder, üş jasqa deiıngı balalardy tärbielep otyrǧan jūmyssyz azamattar, 18 jasqa deiıngı mügedek balaǧa kütım jasaityn jūmys ıstemeitınder, zeinet jasyndaǧylar men Ūly Otan soǧysyna qatysuşylar men mügedekter, tergeu izoliatoryndaǧy adamdar, jūmys ıstemeitın oralmandar, mügedekter, «Altyn alqa», «Kümıs alqa» iegerlerı nemese «Batyr ana» ataǧyn alǧandar, tehnikalyq jäne käsıptık bılım alyp jatqan studentterge memleket medisinalyq saqtandyru jarnasyn tölep beredı» dedı qor ökılderı.
MÄMS qorynyŋ reitingısıne säikes, Astana tūrǧyndardy aqparattandyru boiynşa törtınşı orynda. Bügıngı taŋda 875 638 eresek tūrǧyndardyŋ 118 325-ı aqparattyq-tüsındırme jūmystarymen qamtylǧan.
Güldana TALǦATQYZY
