Astana qalasy äkımdıgınde 10 qaraşa künı medisina salasynyŋ qyzmetkerlerı bas qosqan bolatyn. Alqaly jiynǧa Premer-ministrdıŋ orynbasary Dariǧa Nazarbaeva, Astana qalasynyŋ äkımı Ädılbek Jaqsybekov, Densaulyq saqtau jäne äleumettık damu ministrı Tamara Düisenova qatysty. Aldymen söz alǧan Premer-ministrdıŋ orynbasary Dariǧa Nazarbaeva otandyq densaulyq saqtau jüiesınıŋ jetıstıkterı men kemşılıkterıne qatysty pıkırın bıldırdı.
Būl salaǧa soŋǧy jylda bölıngen qarjynyŋ kölemı arta tüskenımen, oŋtaily şeşıluın kütetın özektı mäseleler bar ekenın aityp öttı.
– Bügınde bärı qarjy ünemdeuge tyrysyp jatyr. Būǧan beiımdeluge tura keledı. Degenmen densaulyq saqtau, äleumettık damu, qorǧanys, bılım siiaqty salalarda biudjettıŋ qysqaruyna jol bermeuge tiıspız. Mūny Elbasy qataŋ eskerttı. Elbasynyŋ «Jüz mektep, jüz auruhana» baǧdarlamasy boiynşa salynǧan köptegen densaulyq saqtau nysandary halyqqa qyzmet körsetude. Qazırgı zamanǧa sai jaŋa tehnikalar men qūral-jabdyqtar satyp alyndy. Iаǧni, medisinalyq qyzmet körsetu sapasyn köteruge bızdıŋ zor mümkındıkterımız bar, – dedı Dariǧa Nūrsūltanqyzy.
Būdan soŋ Tamara Düisenova jinalǧandardy «Salamatty Qazaqstan!» memlekettık baǧdarlamasynyŋ qorytyndysymen tanystyrdy. Aldaǧy 2016-2019 jyldarǧa arnalǧan «Densaulyq» memlekettık baǧdarlamasy turaly baiandady. Būl baǧdarlamanyŋ basty mındetı – 2020 jylǧa qarai el azamattarynyŋ ömır süru ūzaqtyǧyn 73 jasqa deiın ūzartu. Jaŋa baǧdarlamany mamandar jan-jaqty talqylady.
Kelelı keŋestı Ükımet basşysynyŋ orynbasary bylaişa qorytyndylady «Bızde medisinalyq qyzmetke qatysty şaǧymdar jiı aitylady. Şeteldıŋ medisina qyzmetıne jügınetınder sany da sol sebepten jyldan jylǧa artyp keledı. Bız osyndai olqylyqtardy joiuymyz qajet. Osy oraida mındettı medisinalyq saqtandyru qory därıgerlerdıŋ reitingın köteruge, halyqaralyq akkreditasiia aluǧa, jalpy medisinalyq qyzmettıŋ sapasy artuyna septesedı dep oilaimyn. Eŋ bırınşı – densaulyq saqtau mekemelerındegı psihologiialyq ahualdy jaqsartqanymyz abzal».
İä, keide adam janyna jyly söz de em. Sondyqtan psihologiialyq ahualdy jaqsartu basa män beretın jaǧdai. Premer-ministrdıŋ orynbasary saladaǧy kemşılıkterdı tüzetudı eŋ qarapaiym närselerden bastauǧa keŋes berdı.
