Mereke qarsaŋynda elorda densaulyq saqtau salasynda bıregei käsıbımen erekşelenetın, köbıne erler atqaratyn jūmystan tartynbaityn jandardy oqyrmandarǧa tanystyrǧym keldı. Oiymda hirurg, anesteziolog, travmatolog siiaqty jauapkerşılıgı auyr mamandyq ielerın taŋdarmyn dep oilaǧanmyn. Degenmen ol oiymnyŋ özgeruıne erekşe keiıpkerımızben bolǧan kezdesu äser ettı.
Ol – «Nūr Otan» partiiasynyŋ Astana qalasyndaǧy «Örkeniet» filialy töraǧasynyŋ bırınşı orynbasary Mariia Ötebaeva. Mariia Mūhtarqyzy ūjymnyŋ qūrylǧan 2009 jylǧy 15 qyrküiegınen osy ıstıŋ basynda jür. Onyŋ qūramynda bügınde 1850-den astam partiia müşelerı – medisina qyzmetkerlerı bar eken.
Saiasat pen densaulyq salasynyŋ tüiısetın tūstary qaida degenımızde, Mariia Mūhtarqyzy ötken aida ötken «Nūr Otan» partiiasynyŋ XVIII sezınde Elbasynyŋ söilegen sözın alǧa tartyp, partiia qyzmetınen habardar ettı. «Baquatty qoǧam: onjyldyqtyŋ 10 maqsaty» atty 2030 jylǧa deiıngı aralyqty qamtityn josparda partiia äleumettık baǧyttarǧa erekşe basymdyq berıp otyr.
Partiianyŋ alǧa qoiǧan taǧy bır maqsaty – ūlt densaulyǧynyŋ myqty boluyna qol jetkızu, ol üşın otandyq medisina oşaqtaryn damytu, olardyŋ materialdyq bazasyn nyǧaityp, infraqūrylymdy damytu, üzdık mamandardy tartu, osynyŋ nätijesınde denı sau ūlt qalyptastyru. Mūnyŋ bärı qoǧamdyq densaulyq saqtau salasyndaǧy ärqaisymyzdyŋ ülesımızben qol jetkızıledı.
Aitalyq, «Nūr Otan» partiiasynyŋ Astana qalasyndaǧy «Örkeniet» filialy «Baqytty balalyq» partiialyq jobasyn ıske asyru şeŋberınde jyl saiyn balalarǧa, äleumettık tūrǧydan halyqtyŋ osal tobyna jatatyn jandarǧa medisinalyq kömek körsetedı. «Jekelegen azamattardan tüsken ötınışterdı qarap, onyŋ oŋ şeşımıne män beremız. Üstımızdegı jyldyŋ qaŋtarynan bastap «Meiırım syila» äleumettık joba ıske qosylyp, balalarǧa «University Medical Center» korporativtık qorynan 10 kvota qosymşa bölındı. Partiianyŋ 20 jyldyǧyna orai «Nūr Otan» partiiasy – 20 ızgı ıs» şarasyn ötkızdı. Osy rette «University Medical Center» korporativtık qorynan Ana men bala ūlttyq ǧylymi ortalyǧynda nauqastardy diagnostikalau jäne auruhanaǧa jatqyzu üşın 62 kvota böledı. Būlar auyr diagnozy bar nauqastardy stasionarlyq emdeuge jatqyzu üşın bölındı. Būlardyŋ arasynda zeinetkerler men jalǧyzılıktı analardyŋ em-domyna kezeksız bölu qarastyrylǧan» dedı Mariia Ötebaeva.
Būdan bölek, osy ortalyqtarda eŋbek etıp jürgen medisina qyzmetkerlerınıŋ qyzmetın ūiymdastyru, olardyŋ da mūŋ-mūqtajdaryna qūlaq asyp, osy baǧytta äleumettık jobalarǧa özgerıster engızıp, müddelerın alǧa şyǧaru üşın de jūmys ısteidı.
