Astana qalasy äkımdıgınıŋ ūiymdastyruymen keŋ auqymda ötkızılıp jatqan «Meiırımdı qala» qaiyrymdylyq aksiiasy älı de jalǧasyp jatyr.
Keşe el Täuelsızdıgınıŋ 25 jyldyǧyna orai ūiymdastyrylyp jatqan būl şaraǧa tek qana otandyq önımder satylatyn «UniverMAG.kz» sauda ortalyǧy ün qosyp käsıptık-tehnikalyq kolledjınıŋ bıraz studentıne qazaqstandyq öndıruşılerdıŋ qolynan şyqqan kiım-keşekter jiyntyǧy tabys etıldı.
«Qaiyrymdylyq şarasy aiasynda Astanadaǧy käsıptık-tehnikalyq kolledjınde bılım alatyn 20 studentke kiım-keşekter jiyntyǧy men kıtaptar berıp otyrmyz. Būlardyŋ arasynda tūrmysy tömen otbasylardan şyqqan jäne ata-anasynan aiyrylǧan studentter, sonymen qatar oblystyq, respublikalyq deŋgeidegı jarystarda jeŋımpaz atanyp jürgen ülgılı jastar bar. Kömek körsetu turaly bastamamyzǧa elımızdıŋ barlyq käsıpkerlerı qoldau bıldırdı. Sondai-aq, būl şara «UniverMAG.kz» sauda ortalyǧynyŋ bır jyldyǧyna säikes kelıp otyr» deidı Jeŋıl önerkäsıp önımderın öndıruşıler odaǧynyŋ prezidentı Säule Şäuenova.
Şaraǧa Astana qalasy äkımınıŋ orynbasary Malika Bektūrova, elordanyŋ käsıpkerlık jäne önerkäsıp basqarmasy jäne «Atameken» ŪKP ökılderı qatysty. Jalpy Astana qalasynda käsıpkerlıkke ǧana emes äleumettık mäselelerge, az qamtylǧan otbasylarǧa qatty köŋıl bölınıp keledı. Oǧan osy «Meiırımdı qala» qaiyrymdylyq aksiiasy kuä bolsa kerek.
Bürkıt NŪRASYL
