«Meiırımdı qala» aksiiasyn ötkızu ideiasyn «Nūr Otan» partiiasynyŋ qalalyq filialynyŋ esep beru-sailau konferensiiasynda elorda äkımı Äset İsekeşev jariia etken bolatyn. İgı nietten tuyndaǧan aksiia mümkındıgı şekteulı azamattar men köp balaly analardyŋ jaiyn bılıp, jetımderdı süiep, aiyqpas dertke ūşyraǧan jandardyŋ da köŋıl-küiın sūrap, qoldan kelgenşe kömek beruge baǧyttalǧan.
Qoǧamdy ızgılendırıp, ärbır elordalyqtyŋ jüregıne meiırım şuaǧyn qūiatyn osyndai ızgı şaranyŋ ortasynda bızder de boldyq.
Ūly Otan soǧysy ardagerı, II toptaǧy mügedek Aleksandr Morunov zaiyby, tyl eŋbekkerı Anastasiia Martynovnamen bırge «Besşatyr» oramyndaǧy üide tūryp jatyr eken. Toqsannan asqan maidanger älı tyŋ, qimyly şiraq. Saryarqa audany äkımı Arman Tūrlybek qariialardy el Täuelsızdıgınıŋ 25 jyldyǧymen qūttyqtap, alyp kelgen syi-siiapatyn ūsyndy. Audan basşysynyŋ ıltipatyna riza bolǧan qart maidanger marqaiyp qaldy. Qariianyŋ otty jyldarynyŋ kuäsı – 2-därejelı «Otan soǧysy» ordenı, «Japoniiany jeŋgenı üşın» medalı jäne basqa nagradalary taǧylǧan kostiumın kiıp, estelıgımen bölıstı. Ol jyldary aviasiia mehanigı, serjant Morunov Qiyr Şyǧysta soǧysqan eken. Odan keiıngı jyldary Arqaǧa kelıp, osy öŋırde eŋbek etken.
«Meiırımdı qala» aksiiasy aiasynda Kärıbaevtar otbasynda da boldyq. Otyzdan endı asqan Güljan – «Kümıs alqa» iesı. Ol Nūrym, Nūrsūltan, Dinara, Erasyl, Bereke, Aisūltan esımdı alty bala tuyp, baǧyp-qaǧyp otyr.
«Astanaǧa kelgenımızge 16 jyl ötıptı. Elordamen bırge ösıp, köbeiıp jatyrmyz. Balalarymnyŋ äkesı – qūrylysşy. Ülkenderım mektepke barady. Sabaqtan bos uaqytynda üiırmelerge qatysqanyn qalap edım, alaida jaqyn jerde ondai oryndar joq. Al ortalyqqa aparyp, alyp keluge mümkındıgımız joq» dep qala maŋyndaǧy eldı mekennıŋ bır mäselesın aitty. №4 mektep-gimnaziianyŋ 8-synybynda oqityn balalardyŋ ülkenı Nūrym bolsa bokspen ainalysqysy keledı eken.
Güljan men Esjannyŋ ülkenderı mektepke barady. Jaŋa oqu jylynyŋ qarsaŋynda qajettı qūral-jabdyqtaryn aluǧa da audan äkımdıgı qarasqan eken. Audan äkımı Arman
Alaşūly osy joly da qūr qol kelmei, säbilerge syilyǧyn tabystady. Odan bölek, qysqy otynyn aluǧa qol ūşyn beretının aitty.
Aigül UAISOVA
