Astana qalasy kommunikasiialar qyzmetınıŋ alaŋynda «Mektepterdegı qauıpsızdık jäne sifrlandyru» turaly qalalyq Bılım basqarmasy basşysynyŋ orynbasary Nariman Elamanov brifing ötkızdı.
Balalardyŋ qauıpsızdıgın qamtamasyz etu – memlekettıŋ asa maŋyzdy mındetınıŋ bırı. Osy maqsatta qalalyq Bılım basqarmasy tarapynan keşendı jūmystar jürgızılude.
– Elordada barlyq bılım beru ūiymy sifrlyq beinebaqylaumen qamtamasyz etılgen. Barlyq kamera men dabyl tüimesı Polisiia departamentınıŋ jedel basqaru ortalyǧyna qosylǧan. Ornatylǧan kameralar barlyq talapqa säikes keledı. Bılım beru nysandarynda qauıpsızdıktı 1-sanattaǧy lisenziiasy bar jeke küzet kompaniialary qamtamasyz etedı. Sonymen qatar barlyq bılım nysany turnikettermen qamtamasyz etılgen, – dedı N.Elamanov öz sözınde.
Bas qalada mektepke deiıngı bılım beru ūiymyna qabyldau «Indigo: elektrondy balabaqşa» aqparattyq önım arqyly balalardy mektepke deiıngı ūiymdarǧa tıkelei bailanyssyz jäne jyldam qabyldaudy qamtamasyz etu maqsatynda 2022 jyldyŋ şıldesınen bastap elektrondy tiptık kelısımşart engızılgen.
Bügıngı taŋda qalanyŋ barlyq mektebı derekterdı beru jyldamdyǧy 100 Mbit/s bolatyn joǧary jyldamdyqty internetpen qamtamasyz etılgen. Mektep qauıpsızdıgın qamtamasyz etu baǧytynda jüielı şaralar qabyldau jalǧasady.
