Elbasy affinaj zauytyn aralady
[wppa type=»slideonly» album=»9″][/wppa]
Taiauda Prezident Nūrsūltan Nazarbaev Astanadaǧy «Tau Ken Altyn» JŞS-nıŋ affinaj zauytynda boldy. İndustrialdyq park aumaǧynda jüzege asqan maŋyzdy joba qūrylysyn 2011 jyly Elbasy özı saltanatty türde bastap bergen edı. Zauyt qyzmetınıŋ basty baǧyty – baǧaly metaldardy elektrlık-himiialyq affinajdau.
Affinaj zauyty – älemde altyn şyǧaratyn altynşy käsıporyn. Memleket basşysy zauytty aralau barysynda öndırıs sehtarynyŋ jūmysymen jäne şyǧarylǧan önım ülgılerımen tanysty. Jalpy qūny 5,6 mlrd teŋge tūratyn käsıporyn «Astana – jaŋa qala» arnauly ekonomikalyq aimaǧy aumaǧynda ornalasqan. Jylyna 25 tonna altyn jäne 50 tonna kümıs öndıredı. Aldaǧy uaqytta otandyq innovasiialyq tehnologiiany engızu esebınen 75 tonnaǧa deiın jetkızu mümkındıgı bar. «Joba osy saladaǧy älemdık ozyq ülgılerge säikes äzırlengen.Affinaj tehnologiiasyn taŋdauda ekologiialyq talaptardy saqtauǧa asa män berıldı. Būl rette qorşaǧan ortaǧa zalalyn tigızbeitın ärı barlyq talaptarǧa säikes keletın baǧaly metaldar affinajynyŋ elektrlık-himiialyq tehnologiialary taŋdalyp alyndy. Zauyt qazırgı taŋda halyqaralyq ülgıdegı alǧaşqy önımdı şyǧara bastady»
deidı käsıporyn direktory Meiramǧali Tıleujanov.
İtaliianyŋ aldyŋǧy qatarly «IESO» jabdyqtarymen jasaqtalǧan zauytta zergerlık önımderden basqa tehnikalyq maqsattaǧy önımder şyǧaru jaiy qarastyryluda. Osylaişa himiialyq, medisinalyq, zergerlık jäne özge de salalardy baǧaly metaldardan alynǧan būiymdarmen qamtamasyz etuge jol aşylmaq.
Käsıporyn basşysynyŋ aituynşa, bügınde zauytqa şikızat tasymaldau jönınde Qazaqstannyŋ tau-ken salasynyŋ öndıruşılerımen memorandum jasalǧan. Aldaǧy uaqytta zauyttyŋ baǧaly önımderı halyqaralyq baǧam boiynşa Qazaqstan Respublikasynyŋ Ūlttyq bankıne jäne älemdegı basqa da satyp aluşylarǧa ötkızıledı.
Şyǧarylatyn qūimalardyŋ salmaǧy ärtürlı ärı standartqa sai. Zauyt ekonomikalyq jaǧynan ǧana emes, tehnologiialyq jaǧynan da tiımdı. Quanarlyǧy, mūndaǧy jūmysşylardyŋ barlyǧy – şetelde daiarlyqtan ötken özımızdıŋ mamandar.