Memleket basşysy qazaqstandyqtardy Otan qorǧauşylar künımen qūttyqtady
– Ejelden-aq Otan qorǧauşylar namys pen aibardyŋ, erlık pen batyldyqtyŋ, patriotizm men öz halqyna qaltqysyz qyzmet etudıŋ ülgısı bolǧan. Qazaqstandyqtar öz ömırın bostandyq pen täuelsızdık üşın qiǧan qaharmandardyŋ barlyǧynyŋ erlıgın jadynda saqtap keledı. Atalar men äkelerdıŋ jauyngerlık nagradalary – qazaqstandyq otbasylar üşın baǧa jetpes jädıger. Bızdıŋ küntızbemızde Otan qorǧauşy künı men Ūly Otan soǧysyndaǧy Jeŋıs künı merekesınıŋ qatar keluınıŋ simvoldyq mänı bar. Būl bızdıŋ halqymyzdyŋ barlyq buynynyŋ daŋqty jauyngerlık dästürı sabaqtastyǧyn körsetedı, – dedı Qazaqstan Prezidentı.
Qazaqstan Prezidentı Otan qorǧauşy künı – elımızdıŋ Qaruly Küşterınıŋ qūrylǧan künı ekenın atap öttı.
– Biyl bız osy aituly kündı Täuelsızdıgımızdıŋ 25 jyldyq mereitoiyna daiyndyq aiasynda atap ötemız. Ūlttyq armiia, äskeri-äue küşterın jäne äskeri-teŋız flotyn qūru – egemen Qazaqstan şejıresındegı maŋyzdy belestıŋ bırı. Alǧaşqy äskeri bölımderdı qalyptastyrudan bastap, ūlttyq qorǧanys pen qauıpsızdıktıŋ qazırgı zamanaui jüiesıne deiıngı ülken joldy jürıp öttık. Eŋ zamanaui qarumen jäne tehnikamen jabdyqtalu, komandirlerdıŋ käsıbilıgı, jeke qūramnyŋ joǧary jauyngerlık daiyndyǧy men maşyǧy – osynyŋ bärı bızdıŋ Qaruly küşterımızge tän, – dedı Nūrsūltan Nazarbaev.
Memleket basşysy elımızde joǧary deŋgeidegı qorǧanys qabıletın qamtamasyz etu üşın qajettı närsenıŋ bärı jasalyp jatqanyna nazar audardy.
– Qorǧanys şyǧystary qiyndyqtarǧa qaramastan basym tärtıp boiynşa qarjylandyrylady. Jauyngerlık kezekşılıkke qaita jaraqtandyru baǧdarlamasyna tolyq sai keletın jaŋa äskeri tehnika türlerı şyǧady. Taiau jyldarda qaru men tehnikanyŋ barlyq türınıŋ 70 paiyzy, al jekelegen sanattar boiynşa 100 paiyzǧa deiını jaŋartylatyn bolady. Jyl saiyn jüzden asa şūǧyl tekseru jäne äskeri oqu-jattyǧular qazırgı zamanǧy yqtimal soǧys jaǧdaiyna barynşa beiımdelıp ötkızıledı, – dedı Qazaqstan Prezidentı.
Sonymen qatar äskeri keşendı jaŋǧyrtu aiasynda otandyq qorǧanys önerkäsıbınde tehnologiia transfertı men ǧylymi auqymdy öndırısterdı damytu tūrǧysynan bırqatar mındetterdı oryndau mäselesı tūr.
Qazaqstan Prezidentı elımız şet eldermen äskeri-tehnikalyq yntymaqtastyǧy belsendı türde damytylyp, al Qazaqstan Qaruly Küşterınıŋ äskeri şeberlıgı ŪQŞŪ jäne ŞYŪ aiasyndaǧy bırlesken jattyǧularda, NATO-men serıktestık baǧdarlamasy boiynşa özara ıs-qimyldar barysynda şyŋdalyp kele jatqanyn aitty.
Memleket basşysy Otandy qorǧau eŋ qūrmettı käsıp ekenın atap öttı.
– Ūlttyq qorǧanys pen qauıpsızdıktı nyǧaitu köp jaǧdaida äskeri bılım beru salasyn damytumen, äskerlerdıŋ moraldyq-saiasi ruhyn küşeitumen bailanysty. Bügınde Qaruly Küşterdıŋ jeke qūramymen jūmysty Qazaqstan halqy Assambleiasy qabyldaǧan Mäŋgılık El patriottyq aktısı negızınde qūru maŋyzdy, – dedı Nūrsūltan Nazarbaev.
Qazaqstan Prezidentı elımızdıŋ Qaruly Küşterı ärqaşanda Täuelsızdıktıŋ, qoǧamdaǧy tatulyq pen kelısımnıŋ myzǧymas tıregı bolatynyna senım bıldırdı.
– Äskeri qyzmetşılerge jäne qorǧanys keşenınde jūmys ısteitın azamattyq tūlǧalarǧa, barşa qazaqstandyqtarǧa joǧary patriottyq jauapkerşılıkterı men Otanymyzdy qorǧaudy qamtamasyz etuge tıkelei qatystylyǧy üşın alǧys bıldıremın, – dedı Memleket basşysy.
Nūrsūltan Nazarbaev jaŋa jahandyq ahualdyŋ kürdelı jaǧdaiynda älem jasampaz konstanta bolyp tabylatynyn atap öttı.
– Jalpyǧa ortaq älem halyqtar men elderdıŋ berık jäne senımdı qorǧany bola alady. Sondyqtan men halyqaralyq qoǧamdastyqqa «Älem. XXI ǧasyr» atty manifest arqyly ündeu tastadym. Būl – jahandyq soǧysqa qarsy küş jūmyldyryp, adamzatty özın-özı joiu qaterınen saqtaityn şaralar qabyldauǧa ündeu. Ol bırneşe aidan soŋ bız saltanatty türde atap ötetın Semei iadrolyq synaq poligony jabyluynyŋ 25 jyldyǧy qarsaŋynda erekşe özektı bolyp otyr.
Iаdrolyq qarudan, halyqqa töngen äskeri qaterden ada, senım jäne barlyq ūlttyŋ yntymaqtastyǧy qaǧidalaryna negızdelgen ädılettı älem qūrylymyn qalyptastyru – bızdıŋ syrtqy saiasatymyzdyŋ negızı. Ony är qadam saiyn jaqyndata otyryp, bız tuǧan jerımızdıŋ qorǧaluyn berık ärı senımdı ete tüsemız, – dedı Qazaqstan Prezidentı.
Qūttyqtau Prezidenttıŋ «Aqorda» resmi saitynda jariialanǧan
