«Ükımettıŋ qaulysy memleketke eşqandai jaŋa ökılettıkter bermeidı. 2004 jyldan berı qoldanylyp kele jatqan qūjat memlekettık organdardyŋ tötenşe jaǧdaidaǧy kommunikasiialyq jūmysyn retteidı. Älemdık täjıribede mūndai bar. Ükımettıŋ qaulysy «jahantordy jäne äleumettık jelılerdı «jügendemeidı». Būl taqyrypty keibır adamdar öz maqsatyna paidalanyp qalǧysy kelıp otyr». Aqparat jäne kommunikasiialar ministrı Däuren Abaev Facebook-tegı paraqşasynda Ükımettıŋ jaŋa qaulysyn osylai tüsındırıp berdı. Ol jahantordyŋ «jelı jäne bailanys qūraly» sanatyna kırgenıne qaramastan memlekettıŋ jahantordy «jügendeuın» aqylǧa syimaityn ıske balady.
Ükımettıŋ jaŋa qaulysyna säikes, būdan bylai IIM, ŪQK, Bas Prokuratura jäne Qorǧanys ministrlıgı tötenşe jaǧdai oryn alǧanda jelıler men bailanys qūraldarynyŋ qyzmetın būǧattai alady. Memlekettık qyzmet ısterı jäne sybailas jemqorlyqpen küres agenttıgı, Memlekettık küzet qyzmetı, Monopoliiaǧa qarsy komitetpen qatar, barlyq ministrlıkterdıŋ basqarmalary men bölımderı kırgen būrynǧy tızımde 22 memlekettık organ bolǧan. «Şyn mänısınde būl qauly memlekettık organdardyŋ sanyn qysqartty. Būrynǧy tızımde Mädeniet jäne sport, Auyl şaruaşylyǧy, Bılım jäne ǧylym ministrlıgınıŋ qūrylymdyq bölımşelerı de sondai qūqyqqa ie bolatyn. Endı olar tötenşe jaǧdaidyŋ zardaptaryn joiuǧa ǧana qatysady» dedı D.Abaev.
Ministrdıŋ paiymdauynşa, memleket ǧalamtordy būǧattauǧa emes, aqparat jelılerın qamtuǧa nazar audaryp otyr. Desek te, Ükımettıŋ qūjatynda qandai da bır äleumettık, tabiǧi jäne tehnogendık sipattaǧy tötenşe jaǧdai bola qalsa, 4 küştık qūrylymnyŋ jelıler men bailanys qūraldaryn paidalanuǧa, būǧattauǧa qūqyǧynyŋ bar ekenı taiǧa taŋba basqandai etıp jazylǧan. «Tötenşe jaǧdaida memleketke barlyq bailanys arnalary halyqty qūlaqtandyruǧa qajet bolary sözsız. Mysaly, teledidar men radio. Būl qauly memleketke Qazaqstan aumaǧynda habar taratatyn kez kelgen tele nemese radioarnany adamdarǧa tötenşe jaǧdaidyŋ qaupı jönınde aqparat taratuǧa paidalanuǧa mümkındık beredı. Bilıktıŋ «basymdyqpen paidalanuy» degenın osylai tüsınuımız kerek» dep jazdy Däuren Abaev.
Qūzyrly vedomstvonyŋ basşysy būǧan deiın elımızde Telegram-dy būǧattaudyŋ yqtimaldylyǧyn joqqa şyǧarǧan bolatyn. «Memlekettıŋ qūqyq būzatyn kontenttı taratumen küresude būǧattauǧa baruy – amalsyzdan jasalatyn şara. Eger de Telegram-nyŋ äkımşılıgı bızdıŋ habarlamamyzǧa qūlaq aspasa, mūndai äreketke baruymyz mümkın. Bıraq BAQ-tar jazǧandai, atalǧan messendjerdıŋ būǧattalu mümkındıgı az» dep jauap berdı ministr pavlodarlyq azamattyŋ şaǧymyna. Aitpaqşy, onyŋ Telegram-yn öz kelısımınsız bıreuler elımızde tyiym salynǧan ekstremistık QDT-nyŋ tobyna qosyp qoiypty.
Ūqsas jaŋalyqtar
Leave a Reply