Memlekettık qyzmet mınsız atqaryluy kerek
Qyzmet körsetu sapasy – memlekettık organdardyŋ jūmysyn baǧalaudaǧy basty ölşem. Keşe Memlekettık qyzmet ısterı agenttıgınıŋ Astana qalasy boiynşa töraǧasy Tılegen Qaskinnıŋ jetekşılıgımen ötken qoǧamdyq keŋes otyrysynda memlekettık qyzmettı jetıldıru mäselelerı talqylandy. «Elbasy N.Nazarbaevtyŋ «Qazaqstan-2050» Strategiiasy: qalyptasqan memlekettıŋ jaŋa saiasi baǧyty Joldauynda memlekettık qyzmet körsetu negızgı baǧyttardyŋ bırı bolyp tabylady. Memlekettık qyzmet körsetu – būl elımızdıŋ äleumettık-ekonomikalyq damuynyŋ negızgı körsetkışı. Osyǧan bailanysty Memleket basşysynyŋ tapsyrmasyna säikes, memlekettık organdar qyzmetınıŋ tiımdılıgın arttyruǧa, atalǧan salanyŋ damuyna nazar audaruymyz qajet» dedı Tärtıptık keŋes töraǧasy T.Qaskin.
Onyŋ aituynşa, «Memlekettık qyzmet turaly» zaŋǧa säikes, keibır mekemelerde qyzmet körsetu merzımderınıŋ būzyluy jäne uaqytyly körsetılmeuı kezdesedı. Aǧymdaǧy jyldyŋ soŋǧy segız aiynda ortalyq memlekettık jäne jergılıktı atqaruşy organdar 57 239 138 memlekettık qyzmet körsetken. Onyŋ basym bölıgı qūjat beru aiasynda jürgızılgen.
«Taldau körsetkendei, memlekettık organdarda 8155 qyzmet körsetu merzımınıŋ būzyluy tırkelgen. Onyŋ 5267-sı – ortalyq memlekettık, al 2528-ı jergılıktı atqaruşy organdarǧa tiesılı. Būdan bölek, halyqqa qyzmet körsetude jüielık mäseleler jeterlık. Negızınen, tehnikalyq qatelıkter, memlekettık jäne vedomstvolyq ūiym qyzmetkerınıŋ öz mındetın tiıstı deŋgeide oryndamauy, aqparattyq jüiede aryzdy uaqytyly tırkemeu, Halyqqa qyzmet körsetu ortalyǧy qyzmetkerlerı qabyldaǧan kerektı qūjattar tızımınıŋ tolyq bolmauy, kadr jetıspeuşılıgı qyzmet körsetu uaqytynyŋ būzyluyna äkeledı» deidı T.Qaskin.
Qarapaiym tūrǧyndar üşın Halyqqa qyzmet körsetu ortalyqtarynyŋ jönı bölek. Mūnda qūjat resımdep, türlı anyqtamalar alady. Dese de, salada tüitkıldı mäseleler barşylyq. Būl turaly Astana qalasy boiynşa «Halyqqa qyzmet körsetu ortalyǧy» RMK Astana qalasy boiynşa filialynyŋ direktory Gülmira Bäbenova baiandady.
Prezident halyqqa qyzmet körsetu ortalyqtarynyŋ jūmysyn jetıldırudı, halyqqa sapaly memlekettık qyzmet körsetu ısın qadaǧalaudy, sybailas jemqorlyqtyŋ aldyn aludy, memlekettık qyzmetterdı avtomattandyru mäselelerın tezdetudı tapsyrǧany belgılı. Filial direktorynyŋ aituynşa, soǧan säikes kedergısız qyzmet körsetu, internet jelısı arqyly kezektı brondau basty nazarǧa alynǧan. Sonymen qatar, memlekettık qyzmet sapasyn arttyrudy jaŋǧyrtu jäne yŋǧailandyru boiynşa bırşama jūmystar atqarylǧan. «Memlekettık qyzmet türlerı boiynşa mälımetter aluǧa yŋǧaily call ortalyǧy jūmys ısteidı. Bailanys jüielerın qaita qūru maqsatynda aşylǧan ortalyq azamattardy qūjattandyru, ūzyn-sonar kezek üşın uaqytty tiımdı paidalanudy közdeidı. Qazırgı taŋda qoǧamnyŋ dertıne ainalǧan sybailas jemqorlyqtyŋ tamyryna balta şabu jäne sözbūidalyqtyŋ aldyn alu şaralary Halyqqa qyzmet körsetu ortalyqtarynda qolǧa alynuda. Qyzmetkerler arasynda jüielı türde nasihat jūmystary ötkızıledı» deidı G.Bäbenova. Ol öz baiandamasynda jyl basynan berı elorda jūrtşylyǧyna körsetılgen elektrondy qyzmet türlerı men oryn alǧan kemşılıkter turaly aityp berdı.
Halyqqa qyzmet körsetu ortalyqtary jūmysyn odan ärı jetıldıru memlekettık qyzmet sapasyn arttyruǧa mümkındık beredı. «2013 jyldan bastap qazaqstandyqtar memleket beretın barlyq rūqsattama qaǧazdaryn da tek elektrondy türde nemese HQKO arqyly alulary qajet» degen Prezident tapsyrmasy sala mamandarynyŋ basty nazarynda.
Al, medisinalyq qyzmet körsetudıŋ sapasyna qanaǧattanbaǧan kez kelgen adam joǧary sapaly medisinalyq qyzmettı talap ete alady. Keŋes otyrysynda söz alǧan Densaulyq saqtau basqarmasynyŋ basşysy Aigül Segızbaeva zaŋǧa säikes, osy talaptardy qarap, şeşım qabyldaudy sūrauǧa azamattardyŋ qūqy bar ekenın alǧa tartty. Jalpy, Astana qalasy äkımdıgınıŋ 2012 jylǧy 29 jeltoqsandaǧy qaulysy boiynşa azamattarǧa körsetetın elektrondy memlekettık qyzmetter erejesı bekıtılgen. «Qazırgı kezde basqarmada «Därıgerdı üige şaqyru», «Därıger qabyldauyna jazylu» jäne «Bastapqy medisinalyq-sanitarlyq kömek körsetetın medisinalyq mekemege tırkelu» sekıldı elektrondy memlekettık qyzmet türlerı körsetıledı. «Densaulyq saqtau basqarmasy men Işkı saiasat basqarmasy medisina ūiymdaryndaǧy problemaly sūraqtardy anyqtau jäne halyqpen tıkelei bailanysty qamtamasyz etu maqsatynda 13 qyrküiekten 23 qyrküiekke deiın «Astana aqşamy» jäne «Vecherniaia Astana» gazetterınıŋ redaksiiasynda ambulatoriia-emhana basşylarymen «Tıkelei bailanys» ūiymdastyrdy. Nätijesınde qala tūrǧyndarynan barlyǧy 102 qoŋyrau qabyldanyp, tiıstı jauaptar berıldı. Mūnyŋ özı sapaly qyzmet körsetudı qamatamasyz etedı» deidı ol.
Sondai-aq, qala äkımdıgınıŋ Memlekettık qyzmet körsetudıŋ sapasyn saqtaudy baqylau bölımınıŋ meŋgeruşısı Ruslan Beşeev jäne Astana qalasy IID Jol polisiiasy basqarmasynyŋ bastyǧy Baqytjan Malybaev memlekettık qyzmet körsetudıŋ sapasy turaly baiandama jasady.
Elektrondy qyzmet körsetudı jetıldıru, baǧalau tetıkterı men onyŋ sapasyn qadaǧalau, azamattardyŋ şaǧymyn uaqytyly qarau, qūjat ainalymynyŋ būzyluyna jol bermeu mäselelerı aldaǧy Keŋes otyrysynda taǧy da köterıletının aitqan Memlekettık qyzmet ısterı agenttıgınıŋ Astana qalasy boiynşa töraǧasy Tılegen Qaskin atalmyş saladaǧy tüitkıldı mäselelerdı jedel qarastyru kerek dep qorytyndylady.
Gülmira AIMAǦAMBET