Memlekettık qyzmetşıler QR Konstitusiiasy men zaŋdaryn, onyŋ ışınde QR Memlekettık qyzmetşılerınıŋ ädep kodeksınıŋ talaptaryn mültıksız saqtauǧa mındettı.
Memlekettık qyzmetşılerdı tärtıptık jauapkerşılıkke tartu mäselelerı QR Prezidentınıŋ 29.12.2015j. №152 Jarlyǧymen bektılgen Memlekettık qyzmetşılerge tärtıptık jaza qoldanu qaǧidalarymen (būdan ärı – Qaǧida) rettelgen.
Atalǧan Qaǧida talaptaryna säikes, är memlekettık organda qyzmettık tergep-tekseru materialdaryn qarap, terıs qylyq jasau jaittarynyŋ män-jailaryn jan-jaqty jäne obektivtı anyqtau, sondai-aq memlekettık organnyŋ basşysyna jazalau şarasy turaly ūsynymdar şyǧaru maqsatynda tūraqty alqaly organ – tärtıptık komissiia qūrylady.
Tärtıptık komissiia tärtıptık būzuşylyqqa jol bergen qyzmetşılerge qatysty jürgızılgen tergep-tekseru materialdaryn taldaidy.
Komissiia uäkılettı adamnyŋ aktısımen qalyptastyrylady jäne onyŋ qūramy memlekettik organ qyzmetşılerı qatarynan qūrylatyn Komissiia töraǧasynan, kemınde bes müşeden tūratyn müşelerınen, sondai-aq onyŋ üşten ekısı qūrylymdyq bölımşeler ökılderınen tūrady.
Personaldy basqaru qyzmetı ne personaldy basqaru qyzmetınıŋ mındetterın atqaru jüktelgen adamdar memlekettık äkımşılık qyzmetşinıŋ tärtıptık teris qylyǧy turaly mälımetter negızınde odan jazbaşa tüsiniktemenı talap etedı, ol talap etılgen künınen bastap ekı jūmys künı ışınde ūsynyluy tiıs.
Öz kezegınde, memlekettık äkımşılık qyzmetşi jazbaşa tüsinikteme beruden bas tartuy qyzmettık tergep-tekseru jürgızuge kedergı bola almaidy.
Būl rette, qyzmetşi öz jazbaşa tüsiniktemesinde teris qylyqty jasau jaityn moiyndaǧan jaǧdaida, uäkılettı adammen qyzmettik tergep-tekseru jürgizbei «eskertu», «sögis» nemese «qataŋ sögis» türinde jaza qoldanu qūqyǧy bar, sondai-aq jaza qoldanylǧan jaǧdaida qyzmetşı üş kün merzımı ışınde mındettı türde tiıstı būiryqpen tanystyryluy tiıs.
Eger memlekettık qyzmetşı öz jazbaşa tüsınıktemesınde jasalǧan terıs qylyqpen kelıspese, basşynyŋ būiryǧymen qyzmetşıge qatysty qyzmettık tergep-tekseru jürgızıluı tiıs.
Memlekettık qyzmetşıge qatysty qyzmettık tergep-tekserudı bırınşı basşynyŋ tiıstı būiryǧy negızınde personaldy basqaru qyzmetkerlerı ne personaldy basqaru qyzmetınıŋ mındetterın atqaru jüktelgen adamdar on jūmys künınen aspaityn merzımde jürgızedı.
Memlekettık qyzmetşıge qatysty taǧaiyndalǧan qyzmettık tergep-tekseru, qyzmetker demalys nemese ıssaparda, daiarlau kurstarynda, sondai-aq qyzmettık tergep-tekseru mäselesı sot tärtıbımen qaralǧan jaǧdaida uäkılettı adamnyŋ şeşımımen toqtatyla tūrady jäne qaita jalǧastyrylady.
Sonymen qatar, jürgızılgen tergep-tekserudıŋ nätijesı boiynşa tiıstı qorytyndy daiyndalady jäne tärtıptık komissiianyŋ qarauyna şyǧarylady. Qarau nätijesı boiynşa tärtıptık komissiia memlekettık organnyŋ basşysyna qoldanylatyn tärtıptık jazanyŋ türın ūsynady.
Komissiianyŋ tärtıptık jaza qoldanu turaly ūsynymy kelıp tüsken künnen bastap basşy jazany qoldanu merzımderınıŋ şegınde, bes jūmys künı ışınde tiisti tärtıptık jazany qoldanady, ne qoldanbaidy nemese qosymşa qyzmettık tergep-tekseru jiberedi.
Būl rette, tärtıptık jaza, tärtıptık terıs qylyq anyqtalǧan künnen bastap bır aidan keşıktırılmei qoldanylady jäne ony terıs qylyq jasalǧan künnen bastap alty aidan keşıktırıp qoldanuǧa bolmaidy.
Memlekettık qyzmetke kır keltıretın tärtıptık terıs qylyq üşın jaza, teris qylyq anyqtalǧan künnen bastap üş aidan keşiktirilmei qoldanylady jäne ony teris qylyq jasalǧan künnen bastap bir jyldan keşiktirip qoldanuǧa bolmaidy.
Sonymen qatar, memlekettık qyzmetşımen jasalǧan tärtıptık terıs qylyq üşın bır ǧana tärtıptık jaza qoldanylady jäne kez kelgen tärtıptık jaza alty ai merzımde saqtalady, eger qyzmetşı jaŋa terıs qylyq jasamasa, özın adal jūmysker retınde körsetse, tärtıptık jaza alty ailyq merzım ötkenge deiın tıkelei basşysynyŋ nemese personaldy basqaru qyzmetkerlerımen ne personaldy basqaru qyzmetınıŋ mındetterın atqaru jüktelgen qyzmetkerlerdıŋ tiıstı ūsynymymen merzımınen būryn alynuy mümkın.
QR memlekettık qyzmet, memlekettık qyzmetter körsetu salalaryndaǧy zaŋnama talaptaryn öreskel būzu, öz kezegınde tärtıptık jazanyŋ «eskertu» türınen bastap, äkımşılık jauapkerşılık, sondai-aq memlekettık qyzmetten terıs sebeptermen bosatyluǧa deiıngı jauapkerşılıkke alyp keletının eskere otyryp, memlekettık qyzmetşıler tärtıptık terıs qylyqtar jasauǧa jol berılmeuın ünemı eskeruı tiıs.
Nūrdos USTEMIR,
QR Memleket qyzmet ısterı agenttıgınıŋ Astana qalasy boiynşa departamentınıŋ Memlekettık qyzmet salasyndaǧy baqylau basqarmasynyŋ bas mamany
