Reformalar jönındegı joǧary keŋestıŋ kezektı otyrysynda atalǧan keŋestıŋ müşelerı: Strategiialyq josparlau jäne reformalar agenttıgınıŋ töraǧasy Qairat Kelımbetov, Prezidenttıŋ keŋesşısı – Reformalar jönındegı joǧary keŋes töraǧasynyŋ orynbasary ser Suma Chakrabarti, Premer-ministr Asqar Mamin, Prezident Äkımşılıgınıŋ Basşysy Erlan Qoşanov, Prezident Äkımşılıgı Basşysynyŋ orynbasary Timur Süleimenov, «Atameken» Ūlttyq käsıpkerler palatasy prezidiumynyŋ töraǧasy Timur Qūlybaev söz söiledı.
Memleket basşysy öz sözınde memlekettık josparlaudyŋ jaŋa jüiesı baǧdarlamalar men reformalardyŋ däiektılıgın jäne özara sabaqtastyǧyn qamtamasyz etuge tiıs ekenın atap öttı.
– Memlekettık josparlaudyŋ jaŋa jüiesı dogmatizm men közboiauşylyqtan tolyq ada boluy qajet. Sūlu söz qanşalyqty az bolsa, mazmūny sonşalyq bai bolady. Ol atqaruşylarǧa ıs-qimyl erkındıgın beru üşın öte pragmatikalyq boluy tiıs. Atqaruşylarǧa qosymşa jūmys jüktemeu asa maŋyzdy. Iаǧni basqa naqty ısterge nūqsan keltırmeu üşın būl baǧyttaǧy jūmystarǧa küş tüsırmeu kerek. Ükımet sarapşylardyŋ qoǧamdastyǧymen jäne jūrtşylyqpen tyǧyz yqpaldastyqta jūmys ısteuı tiıs, – dedı Memleket basşysy.
Prezident memlekettık josparlau jüiesınde sifrlandyrudy jedeldetu mäselesıne basa män berudı tapsyrdy.
– Täuelsızdık jyldarynda köptegen baǧdarlama jasaldy. Onyŋ bırazy küşın joidy, jaŋa baǧdarlamalar men qūjattar paida boluda. Olardyŋ bärın satyly türde jüielep, qajet emesterınen arylu kerek. Josparlaudyŋ atqaruşylarǧa jäne halyqqa meilınşe tüsınıktı ärı aşyq jüiesın jasaǧan jön.
Memleket basşysy konsultativtık komitetter jūmysynyŋ maŋyzdylyǧyna nazar audaryp, bırınşı kezektegı reformalardyŋ tızımın anyqtauǧa jäne olardy jüzege asyru jönındegı ūsynystarǧa bailanysty naqty mındet jüktedı.
Prezident sot jäne qūqyq qorǧau jüielerın reformalau mäselesıne de nazar audardy.
Qasym-Jomart Toqaev öz sözınde reformalar jürgızu barysynda barlyq zaŋnamalyq özgerıster mūqiiat ärı egjei-tegjeilı pysyqtaluy kerek dedı.
Memleket basşysy Joǧary memlekettık basqarudyŋ barlyq jüiesı Qazaqstan halqyna adal, şynaiy qyzmet etuı kerek ekenın aitty. Memlekettık basqarudyŋ barlyq jüiesın – memlekettık qyzmetten jergılıktı özın-özı basqaru deŋgeiıne deiın ıs jüzınde qaita qūru qajet.
Jiyn qorytyndysy boiynşa QR Prezidentı janyndaǧy Reformalar jönındegı joǧary keŋestıŋ 2021 jylǧa arnalǧan jūmys jospary jäne konsultativtık komitetterdıŋ qūramy bekıtıldı.
