Keşe elorda äkımdıgınde Astana qalasynyŋ Qoǧamdyq densaulyq saqtau basqarmasy men İnchhon (Oŋtüstık Koreia) qalalyq äkımşılıgı densaulyq saqtau departamentı arasynda medisinalyq yntymaqtastyq jönındegı memorandumǧa qol qoiyldy. Kezdesuge İnchhon qalalyq äkımşılıgınıŋ halyqaralyq medisinalyq bölımınıŋ bastyǧy So Gi Ho myrza bastaǧan delegasiia ökılderı, Astana qalasyndaǧy därıgerlık ūiymdardyŋ jetekşılerı qatysty.
Kezdesu barysynda taraptar bır-bırımen qalalardyŋ halqy, densaulyq saqtau mekemelerı, üzdık täjıribeler töŋıregınde aqparat almasty. Şeteldık qonaqtar elordadaǧy medisinalyq mekemelerdı jekemenşık basqaruǧa beru täjıribesıne qyzyǧuşylyq tanytty. Astana qalasy Qoǧamdyq densaulyq saqtau basqarmasynyŋ jetekşısı Kamaljan Nadyrov oŋtüstık koreialyq ärıptesterımen tyǧyz qarym-qatynas ornatuǧa müddelı ekenın mälımdedı.
Memorandumnyŋ maqsaty – özara tiımdı jäne teŋ därejede ekı qalanyŋ ūiymdary arasyndaǧy yntymaqtastyq qarym-qatynastardy qalyptastyru. Memorandum şeŋberınde bırlesken ıs-şaralar mynadai formada jüzege asyrylady: bırınşıden, İnchhon men Astananyŋ medisinalyq mekemelerı arasyndaǧy bılım beru baǧdarlamasymen almasu. Ekınşıden, ekı jaqty qatynastardy jandandyru jäne marketing qyzmetın jetıldıru salasyndaǧy üzdık tehnologiialarmen, yntymaqtastyqpen almasu. Üşınşıden, taraptar ekı qala arasyndaǧy medisinalyq qyzmet salasyndaǧy aqparattarmen bölısedı.
