Soǧys jaily kinolar körgendı, kıtap oqyǧandy ūnatamyn. Äkem maǧan atam turaly qyzyqty äŋgımelerdı köp aitady. Sondyqtan da men maidanger, soǧys, beibıtşılık degen sözderge erekşe män beremın.
«Senıŋ ataŋ, menıŋ äkem Ūly Otan soǧysyna basynan bastap soŋyna deiın qatysqan jauynger bolǧan. Qatardaǧy soldat bolyp baryp, ofiser bolyp oralǧan. Äskeri aviasiia qūramynda qyzmet atqarǧan. Al soǧysqa deiın Goloşekin däuırınıŋ beinetın tartyp, aşarşylyq saldarynan äke-şeşesınen erte aiyrylǧan. Balalar üiınde tärbielengen. Osyndai qiyndyqtyŋ bärın jeŋe bılıp, Otanymyzdy faşisterden qorǧauǧa özı sūranyp barǧan. Elge oralǧan soŋ Qorǧaljyn audanynda auylşaruaşylyq mamany, keiınnen ışkı ıster organdarynda jemıstı eŋbek etken. Zeinet jasyna jetken soŋ Astana qalasyna qonys audardy. Qalalyq Ardagerler ūiymyna qoǧamdyq jūmystarǧa belsendı qatysatyn. Sondyqtan da sen maidangerdıŋ ūrpaǧy ekenıŋdı eşqaşan esıŋnen şyǧarma. Otandy qorǧaudy qasiettı paryzym dep ūq, ūlym…» dep aityp jüretın äkemnıŋ sözı men üşın ömırdıŋ naqylyndai boldy. Orden-medaldary jarqyraǧan atamnyŋ suretterıne qaraǧan saiyn boiyma bır küş qosylǧandai bolady.
Menıŋ äkem Jaqsykeldı de äskeri boryşyn ötegen. 1985-87 jyldary Birobidjan qalasynda äskeri qyzmetın atqarǧan. Äskerden keiın Selinograd qalasyndaǧy S.Seifullin atyndaǧy pedagogika institutynda oqydy. Mūǧalım bolyp eŋbek jolyn bastaǧan. Qazır elektr kommunikasiiasy salasynda jeke käsıpker bolyp jūmys ısteidı. Äkemnıŋ dostarynyŋ arasynda äskeri qyzmetkerler men Auǧanstan soǧysyna qatysqan aǧailar da bar. Olardyŋ äŋgımelerın estıgen saiyn tezırek erjetıp, äskerge barsam dep oilap qoiamyn.
Bız üide tört balamyz. Özımnen ülken ekı äpkem – mekteptegı üzdık oquşylar. Menen keiıngı ınım balabaqşaǧa barady. Aiauly anamyz bızge «ömırde ädıl bolyŋdar, ötırık söilemeŋder, jaqsy oqyŋdar, ülken adamdardy syilaŋdar» dep ünemı aqylyn aityp jüredı.
Menıŋ ömırdegı maqsatym – Otandy qorǧai bıletın azamat bolyp ösu. Mekteptı bıtırgen soŋ joǧary oquǧa tüssem de, äskeri boryşymdy öteuge mındettı türde baramyn. Öitkenı men Otan üşın otqa tüsken maidangerdıŋ nemeresımın. Al maidanger atalar men äskeri qyzmetkerler tuǧan jerdıŋ de, halyqtyŋ da qorǧauşysy boldy. Sondyqtan da Otandy qorǧau ärbır er-azamattyŋ qasiettı boryşy bolyp sanalady.
Rasul QOJAHMETOV,
Astana qalasyndaǧy
№27 mektep-lisei oquşysy
