Alǧys aitu künın astanalyqtar asqan belsendılıkpen toilady.
Mereke barysynda elordalyq oquşylar men etnomädeni bırlestık müşelerı Ūlttyq muzeide bas qosty. «Bır şaŋyraq astynda» degen atpen ūiymdastyrylǧan festival küllı qauymdy qyzyqqa keneltıp, märe-säre qyldy. Osy şara şeŋberınde qoldan jasalǧan būiymdardyŋ järmeŋkesı öttı. Işınde ne joq deisız?! Toqyma bas kiım, sömke, äşekeidıŋ aluan türı, közdıŋ jauyn alatyn kartina – bärı bar. «Vozrojdenie» nemıs qoǧamyna qarasty qolöner üiırmesınıŋ jetekşısı Tatiana Gusaktyŋ aituynşa, mūnyŋ bärın ortalyqqa kelıp jüretın balalar men äjeler jasapty. Olardyŋ ärqaisysy bır ūlttyŋ tanym-tüsınıgınen habar berıp, erekşelıgın tanytady. Mysaly, bisermen, kestemen kömkerılgen dünieler, köbınese, nemıs mädenietıne tän. Sondai-aq, jiyn barysynda qazaq küilerı oryndalyp, orys änderı şyrqaldy. Armian biı jūrtşylyqtyŋ delebesın qozdyryp, merekenıŋ sänın kırgızdı.
Meiramdy bas qalanyŋ tärtıp saqşylary da eleusız qaldyrmady. Būl künı Iývenaldy polisiia inspektorlary Ana men bala Ūlttyq ǧylymi ortalyǧyna baryp, onkologiialyq aurularmen nauqastanatyn büldırşınderdıŋ köŋılın serpılttı. Baldyrǧandarǧa körkem ädebi kıtaptar men ensiklopediialardy syiǧa tartyp, kädesyilar ülestırdı. Mūnymen qosa, qūqyq qorǧauşylar tūrmysy tömen otbasydan şyqqan 60 balany Maksim Gorkii atyndaǧy Memlekettık akademiialyq orys drama teatryna şaqyrdy. Jaqsylyq jasau ideiasy qoǧamda tez tarasyn degen nietpen poliseiler jandaryna kışkentai kömekşıler ertıp, şahardyŋ adam köp jinalatyn jerlerın aralady. Balalar jolai kezdesken qart kısılerge öz qoldarynan şyqqan ädemı zattardy syilap, qariialardyŋ batasyn aldy.
B. MARATQYZY, astana-akshamy.kz
